Жүк пойызы төрт адамды басып кеткен оқиға бойынша теміржолдың үш қызметкері сотталды, деп хабарлайды dalanews.kz.
Қайғылы оқиға 2025 жылғы 10 желтоқсанда Шешенқара – Қаражыңғыл аралығында болды. Жүк пойызы теміржол сүйемелін жөндеумен айналысып жатқан бригаданы басып кетті. Жұмыстар аралықты жаппай және қауіпсіздік шараларын сақтамай жүргізілген.
Пойыз машинисіне жолда адамдардың жүргені туралы уақтылы ескертілмеген. Салдарынан төрт қызметкер қаза тауып, тағы екі адам жарақат алды.
Соттың 9 шілдедегі үкімімен пойыз диспетчері 5 жылға бас бостандығынан айырылды. Сарышаған жол дистанциясының екі қызметкеріне 3 жыл 6 айға бас бостандығын шектеу жазасы тағайындалды. Бұдан бөлек, үшеуіне де теміржол көлігіндегі қозғалыс қауіпсіздігін қамтамасыз етуге байланысты қызметпен айналысуға тыйым салынды.
Үкім заңды күшіне енген жоқ.
