Memlekettik bilim grantyn ielene almaǵan talapkerler úshin qosymsha múmkindik bar. Qazaqstannyń joǵary oqý oryndary 2026 jyly rektorlyq, ýniversitettik jáne ishki granttardy qosa alǵanda 2 myńnan astam bilim grantyn usynbaq. Sonymen qatar talapkerler oqý aqysyna jeńildikter men ataýly stipendiialarǵa da úmitker bola alady, dep habarlaidy dalanews.kz.
Eń iri baǵdarlamalardyń biri Qoja Ahmet Iasaýi atyndaǵy Halyqaralyq qazaq-túrik ýniversitetinde júzege asyrylady. 2026-2027 oqý jylyna Túrkiia Respýblikasy tarapynan 500 dástúrli bilim berý kvotasy bólingen. Qujattar 2026 jylǵy 10-15 tamyz aralyǵynda qabyldanady. Konkýrsqa memlekettik bilim berý granty konkýrsyna qatysýǵa jaramdy UBT sertifikaty bar jáne ýniversitet belgilegen shekti baldy jinaǵan Qazaqstan azamattary qatysa alady.
Qorqyt ata atyndaǵy Qyzylorda ýniversiteti IT baǵytyndaǵy olimpiadalar, jobalar men konkýrstardyń jeńimpazdaryna 125 ishki grant bóldi. Sonymen qatar jetim balalar men ata-anasynyń qamqorlyǵynsyz qalǵan balalarǵa arnalǵan uiymdardyń jáne «Atameken» otbasy úlgisindegi balalar aýylynyń eki túlegine oqýdyń tolyq merzimine 100% bilim berý granty usynyldy.
Dáýlet Serikbaev atyndaǵy Shyǵys Qazaqstan tehnikalyq ýniversitetinde ózindik konkýrstyq baǵdarlamalar sheńberinde 94 grant qarastyrylǵan. Onyń ishinde EKTU QUIZ-2026 qorytyndysy boiynsha Jetisý, Túrkistan jáne Qyzylorda oblystarynyń mektep túlekterine tórt jylǵa 24, eki jylǵa 24 jáne bir jylǵa 24 grant beriledi. «Aqyldy Awards 2026» konkýrsy boiynsha «Altyn belgige» úmitkerlerge tórt jylǵa 18 grant bólingen. Qyrǵyz Respýblikasynyń mektep túlekterine arnalǵan EKTU STAR 2026 jáne «EKTU-dy tańda – bolashaqty tańda» baiqaýlary boiynsha tórt jyldyq tórt grant qarastyrylǵan.
Ábilqas Saǵynov atyndaǵy Qaraǵandy tehnikalyq ýniversiteti 2026-2027 oqý jylyna rektordyń 19 grantyn bóldi. Onyń beseýi jetim balalar men ata-anasynyń qamqorlyǵynsyz qalǵan jastarǵa, úsheýi memlekettik bilim berý granty konkýrsynda jeńimpaz bolmaǵanymen, UBT-dan 100-den joǵary ball jinaǵan talapkerlerge beriledi. Alty grant «Daryn» respýblikalyq ǵylymi-praktikalyq ortalyǵy uiymdastyrǵan olimpiadalardyń jeńimpazdaryna, bes grant IQanat High School of Burabay mektebiniń fizika, matematika, biologiia, himiia jáne informatika pánderi boiynsha ishki olimpiadalarynda birinshi oryn alǵandarǵa arnalǵan.
Daryndy talapkerlerdi qoldaý maqsatynda S.Ótebaev atyndaǵy Atyraý munai jáne gaz ýniversiteti jalpy bilim beretin pánder boiynsha oblystyq olimpiadalardyń jeńimpazdary men «Zerdeli» mektepteriniń túlekterine 20 rektorlyq bilim berý grantyn bóldi. Granttar talantty jastardy qoldaýǵa, sapaly joǵary bilimge qoljetimdilikti keńeitýge jáne olardyń kásibi áleýetin damytýǵa baǵyttalǵan.
Sársen Amanjolov atyndaǵy Shyǵys Qazaqstan ýniversitetinde 12 grant, Rýdnyi indýstriialyq ýniversitetinde jetim balalarǵa, ata-anasynyń qamqorlyǵynsyz qalǵan balalarǵa, az qamtylǵan, tolyq emes jáne kópbalaly otbasylardan shyqqan talapkerlerge rektordyń 10 granty qarastyrylǵan.
Qaraǵandy indýstriialyq ýniversitetinde aqyly negizde oqityn stýdentterge birinshi kýrstan keiin ýniversitet qarajaty esebinen oqýyn jalǵastyrýǵa múmkindik beretin «QarIÝ bilim berý granty» qoldanylady. Grant joǵary akademiialyq nátije kórsetken jáne qoǵamdyq ómirge belsendi qatysatyn stýdentterge GPA kórsetkishi negizinde beriledi. Sondai-aq 2026-2027 oqý jylynda ýniversitette Nariman Ishmuhamedov atyndaǵy ataýly grant alǵash ret taǵaiyndaldy. Ol oqý aqysyn tolyq óteýdi jáne ai saiyn 150 myń teńge kóleminde stipendiia tóleýdi kózdeidi. Úmitkerdiń UBT nátijesi keminde 75 ball bolýy, basym bilim berý baǵdarlamasyna túsýi jáne Temirtaý qalasymen nemese Qaraǵandy oblysymen aýmaqtyq bailanysy bolýy tiis.
Satbayev University áleýmettik osal toptardan shyqqan daryndy jastardyń joǵary tehnikalyq bilimge qoljetimdiligin keńeitý maqsatynda jumys berýshiler men jer qoinaýyn paidalanýshy kompaniialardyń bilim berý granttaryn tartady. 2025-2026 oqý jylynda jasalǵan kelisimder aiasynda 538-den astam stýdentke qarjylyq qoldaý kórsetilip, olar oqýyn jer qoinaýyn paidalanýshy kompaniialardyń qoldaýymen jalǵastyrdy. Olardyń qatarynda jetim balalar, múgedektigi bar tulǵalar, ata-anasynyń qamqorlyǵynsyz qalǵan balalar, ata-anasynyń biri nemese ekeýi de múgedektigi bar otbasylardan shyqqan stýdentter, sondai-aq tolyq emes jáne kópbalaly otbasylardan shyqqan bilim alýshylar bar. Sonymen qatar ýniversitet stýdentterge óz qarajaty esebinen bilim berý granttary men oqý aqysyna jeńildikter usynady.
Abai atyndaǵy Qazaq ulttyq pedagogikalyq ýniversitetinde ýniversitet grantyna UBT-dan keminde 100 ball jinaǵan talapkerler úmitker bola alady. Irikteý barysynda UBT nátijesi, «Altyn belgi» iegeri bolýy, áleýmettik jaǵdaiy, respýblikalyq jáne halyqaralyq olimpiadalardaǵy, konkýrstar men ǵylymi jobalar jarystaryndaǵy jetistikteri eskeriledi. Qujat qabyldaý memlekettik bilim berý granty iegerleriniń tizimi jariialanǵan kúnnen bastalyp, 18 tamyzǵa deiin jalǵasady.
«Turan-Astana» ýniversitetinde UBT-dan 100-den joǵary ball jinaǵan «Altyn belgi» iegerlerine oqýdyń tolyq merzimine rektor granty beriledi.
Ózbekáli Jánibekov atyndaǵy Ońtústik Qazaqstan pedagogikalyq ýniversitetinde memlekettik grant ielenbegen, UBT-dan 100-den joǵary ball jinaǵan «Altyn belgi» iegerlerine 100% jeńildik qarastyrylǵan. 2026-2027 oqý jylyna rektor grantyn alýshylardyń naqty sany Ǵylymi keńestiń sheshimimen anyqtalady.
Álkei Marǵulan atyndaǵy Pavlodar pedagogikalyq ýniversitetinde granttardyń naqty sany belgilenbegen. «6V015 – Jaratylystaný pánderi boiynsha pedagogterdi daiarlaý» baǵytyna túsken «Altyn belgi» iegerlerine GPA kórsetkishin 3,5 deńgeiinen tómendetpegen jaǵdaida oqýdyń tolyq merzimine 100% jeńildik beriledi.
Keibir ýniversitetterde rektor granttarynyń ornyna oqý aqysyna jeńildikter júiesi qoldanylady. Máselen, Ahmet Baitursynuly atyndaǵy Qostanai óńirlik ýniversitetinde «Qamqor», «Kómek», «Járdem» jáne «Zerek» jeńildikteri bar. Olar jetim balalarǵa, múgedektigi bar stýdentterge, bir otbasynan qatar bilim alyp jatqan stýdentterge, ýniversitet qyzmetkerleriniń balalaryna jáne «Altyn belgi» iegerlerine beriledi. Jeńildik mólsheri 15%-dan 100%-ǵa deiingi aralyqty qamtidy.
Halel Dosmuhamedov atyndaǵy Atyraý ýniversitetinde oqý aqysyna jeńildikter 14 sanat boiynsha beriledi. Áleýmettik qoldaý jetim balalarǵa, múgedektigi bar stýdentterge, az qamtylǵan jáne kópbalaly otbasylardan shyqqan bilim alýshylarǵa, ýniversitet qyzmetkerleriniń balalaryna, «Altyn belgi» iegerlerine, olimpiadalar men sporttyq jarystardyń jeńimpazdaryna jáne basqa da sanattarǵa arnalǵan. Jeńildik mólsheri 20%-dan 100%-ǵa deiin jetedi.
Jalpy ýniversitetterdiń ózindik granttary men jeńildikteri akademiialyq jetistikteri joǵary talapkerlerdi qoldaýǵa, daryndy jastardy yntalandyrýǵa jáne áleýmettik osal sanattar úshin joǵary bilimniń qoljetimdiligin arttyrýǵa baǵyttalǵan.
Granttar men jeńildikterdiń naqty sany, qujat qabyldaý merzimderi, talaptary jáne qajetti qujattar tizimi ár joǵary oqý ornynda ártúrli. Tolyq jáne ózekti aqparatty talapkerler tańdaǵan ýniversitettiń resmi saitynan nemese qabyldaý komissiiasynan naqtylai alady.
