مەملەكەتتٸك بٸلٸم گرانتىن يەلەنە الماعان تالاپكەرلەر ٷشٸن قوسىمشا مٷمكٸندٸك بار. قازاقستاننىڭ جوعارى وقۋ ورىندارى 2026 جىلى رەكتورلىق, ۋنيۆەرسيتەتتٸك جەنە ٸشكٸ گرانتتاردى قوسا العاندا 2 مىڭنان استام بٸلٸم گرانتىن ۇسىنباق. سونىمەن قاتار تالاپكەرلەر وقۋ اقىسىنا جەڭٸلدٸكتەر مەن اتاۋلى ستيپەندييالارعا دا ٷمٸتكەر بولا الادى, دەپ حابارلايدى dalanews.kz.
ەڭ ٸرٸ باعدارلامالاردىڭ بٸرٸ قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸندە جٷزەگە اسىرىلادى. 2026-2027 وقۋ جىلىنا تٷركييا رەسپۋبليكاسى تاراپىنان 500 دەستٷرلٸ بٸلٸم بەرۋ كۆوتاسى بٶلٸنگەن. قۇجاتتار 2026 جىلعى 10-15 تامىز ارالىعىندا قابىلدانادى. كونكۋرسقا مەملەكەتتٸك بٸلٸم بەرۋ گرانتى كونكۋرسىنا قاتىسۋعا جارامدى ۇبت سەرتيفيكاتى بار جەنە ۋنيۆەرسيتەت بەلگٸلەگەن شەكتٸ بالدى جيناعان قازاقستان ازاماتتارى قاتىسا الادى.
قورقىت اتا اتىنداعى قىزىلوردا ۋنيۆەرسيتەتٸ IT باعىتىنداعى وليمپيادالار, جوبالار مەن كونكۋرستاردىڭ جەڭٸمپازدارىنا 125 ٸشكٸ گرانت بٶلدٸ. سونىمەن قاتار جەتٸم بالالار مەن اتا-اناسىنىڭ قامقورلىعىنسىز قالعان بالالارعا ارنالعان ۇيىمداردىڭ جەنە «اتامەكەن» وتباسى ٷلگٸسٸندەگٸ بالالار اۋىلىنىڭ ەكٸ تٷلەگٸنە وقۋدىڭ تولىق مەرزٸمٸنە 100% بٸلٸم بەرۋ گرانتى ۇسىنىلدى.
دەۋلەت سەرٸكباەۆ اتىنداعى شىعىس قازاقستان تەحنيكالىق ۋنيۆەرسيتەتٸندە ٶزٸندٸك كونكۋرستىق باعدارلامالار شەڭبەرٸندە 94 گرانت قاراستىرىلعان. ونىڭ ٸشٸندە EKTU QUIZ-2026 قورىتىندىسى بويىنشا جەتٸسۋ, تٷركٸستان جەنە قىزىلوردا وبلىستارىنىڭ مەكتەپ تٷلەكتەرٸنە تٶرت جىلعا 24, ەكٸ جىلعا 24 جەنە بٸر جىلعا 24 گرانت بەرٸلەدٸ. «اقىلدى Awards 2026» كونكۋرسى بويىنشا «التىن بەلگٸگە» ٷمٸتكەرلەرگە تٶرت جىلعا 18 گرانت بٶلٸنگەن. قىرعىز رەسپۋبليكاسىنىڭ مەكتەپ تٷلەكتەرٸنە ارنالعان EKTU STAR 2026 جەنە «EKTU-دى تاڭدا – بولاشاقتى تاڭدا» بايقاۋلارى بويىنشا تٶرت جىلدىق تٶرت گرانت قاراستىرىلعان.
ەبٸلقاس ساعىنوۆ اتىنداعى قاراعاندى تەحنيكالىق ۋنيۆەرسيتەتٸ 2026-2027 وقۋ جىلىنا رەكتوردىڭ 19 گرانتىن بٶلدٸ. ونىڭ بەسەۋٸ جەتٸم بالالار مەن اتا-اناسىنىڭ قامقورلىعىنسىز قالعان جاستارعا, ٷشەۋٸ مەملەكەتتٸك بٸلٸم بەرۋ گرانتى كونكۋرسىندا جەڭٸمپاز بولماعانىمەن, ۇبت-دان 100-دەن جوعارى بالل جيناعان تالاپكەرلەرگە بەرٸلەدٸ. التى گرانت «دارىن» رەسپۋبليكالىق عىلىمي-پراكتيكالىق ورتالىعى ۇيىمداستىرعان وليمپيادالاردىڭ جەڭٸمپازدارىنا, بەس گرانت IQanat High School of Burabay مەكتەبٸنٸڭ فيزيكا, ماتەماتيكا, بيولوگييا, حيمييا جەنە ينفورماتيكا پەندەرٸ بويىنشا ٸشكٸ وليمپيادالارىندا بٸرٸنشٸ ورىن العاندارعا ارنالعان.
دارىندى تالاپكەرلەردٸ قولداۋ ماقساتىندا س.ٶتەباەۆ اتىنداعى اتىراۋ مۇناي جەنە گاز ۋنيۆەرسيتەتٸ جالپى بٸلٸم بەرەتٸن پەندەر بويىنشا وبلىستىق وليمپيادالاردىڭ جەڭٸمپازدارى مەن «زەردەلٸ» مەكتەپتەرٸنٸڭ تٷلەكتەرٸنە 20 رەكتورلىق بٸلٸم بەرۋ گرانتىن بٶلدٸ. گرانتتار تالانتتى جاستاردى قولداۋعا, ساپالى جوعارى بٸلٸمگە قولجەتٸمدٸلٸكتٸ كەڭەيتۋگە جەنە ولاردىڭ كەسٸبي ەلەۋەتٸن دامىتۋعا باعىتتالعان.
سەرسەن امانجولوۆ اتىنداعى شىعىس قازاقستان ۋنيۆەرسيتەتٸندە 12 گرانت, رۋدنىي يندۋسترييالىق ۋنيۆەرسيتەتٸندە جەتٸم بالالارعا, اتا-اناسىنىڭ قامقورلىعىنسىز قالعان بالالارعا, از قامتىلعان, تولىق ەمەس جەنە كٶپبالالى وتباسىلاردان شىققان تالاپكەرلەرگە رەكتوردىڭ 10 گرانتى قاراستىرىلعان.
قاراعاندى يندۋسترييالىق ۋنيۆەرسيتەتٸندە اقىلى نەگٸزدە وقيتىن ستۋدەنتتەرگە بٸرٸنشٸ كۋرستان كەيٸن ۋنيۆەرسيتەت قاراجاتى ەسەبٸنەن وقۋىن جالعاستىرۋعا مٷمكٸندٸك بەرەتٸن «قاريۋ بٸلٸم بەرۋ گرانتى» قولدانىلادى. گرانت جوعارى اكادەمييالىق نەتيجە كٶرسەتكەن جەنە قوعامدىق ٶمٸرگە بەلسەندٸ قاتىساتىن ستۋدەنتتەرگە GPA كٶرسەتكٸشٸ نەگٸزٸندە بەرٸلەدٸ. سونداي-اق 2026-2027 وقۋ جىلىندا ۋنيۆەرسيتەتتە ناريمان يشمۇحامەدوۆ اتىنداعى اتاۋلى گرانت العاش رەت تاعايىندالدى. ول وقۋ اقىسىن تولىق ٶتەۋدٸ جەنە اي سايىن 150 مىڭ تەڭگە كٶلەمٸندە ستيپەندييا تٶلەۋدٸ كٶزدەيدٸ. ٷمٸتكەردٸڭ ۇبت نەتيجەسٸ كەمٸندە 75 بالل بولۋى, باسىم بٸلٸم بەرۋ باعدارلاماسىنا تٷسۋٸ جەنە تەمٸرتاۋ قالاسىمەن نەمەسە قاراعاندى وبلىسىمەن اۋماقتىق بايلانىسى بولۋى تيٸس.
Satbayev University ەلەۋمەتتٸك وسال توپتاردان شىققان دارىندى جاستاردىڭ جوعارى تەحنيكالىق بٸلٸمگە قولجەتٸمدٸلٸگٸن كەڭەيتۋ ماقساتىندا جۇمىس بەرۋشٸلەر مەن جەر قويناۋىن پايدالانۋشى كومپانييالاردىڭ بٸلٸم بەرۋ گرانتتارىن تارتادى. 2025-2026 وقۋ جىلىندا جاسالعان كەلٸسٸمدەر اياسىندا 538-دەن استام ستۋدەنتكە قارجىلىق قولداۋ كٶرسەتٸلٸپ, ولار وقۋىن جەر قويناۋىن پايدالانۋشى كومپانييالاردىڭ قولداۋىمەن جالعاستىردى. ولاردىڭ قاتارىندا جەتٸم بالالار, مٷگەدەكتٸگٸ بار تۇلعالار, اتا-اناسىنىڭ قامقورلىعىنسىز قالعان بالالار, اتا-اناسىنىڭ بٸرٸ نەمەسە ەكەۋٸ دە مٷگەدەكتٸگٸ بار وتباسىلاردان شىققان ستۋدەنتتەر, سونداي-اق تولىق ەمەس جەنە كٶپبالالى وتباسىلاردان شىققان بٸلٸم الۋشىلار بار. سونىمەن قاتار ۋنيۆەرسيتەت ستۋدەنتتەرگە ٶز قاراجاتى ەسەبٸنەن بٸلٸم بەرۋ گرانتتارى مەن وقۋ اقىسىنا جەڭٸلدٸكتەر ۇسىنادى.
اباي اتىنداعى قازاق ۇلتتىق پەداگوگيكالىق ۋنيۆەرسيتەتٸندە ۋنيۆەرسيتەت گرانتىنا ۇبت-دان كەمٸندە 100 بالل جيناعان تالاپكەرلەر ٷمٸتكەر بولا الادى. ٸرٸكتەۋ بارىسىندا ۇبت نەتيجەسٸ, «التىن بەلگٸ» يەگەرٸ بولۋى, ەلەۋمەتتٸك جاعدايى, رەسپۋبليكالىق جەنە حالىقارالىق وليمپيادالارداعى, كونكۋرستار مەن عىلىمي جوبالار جارىستارىنداعى جەتٸستٸكتەرٸ ەسكەرٸلەدٸ. قۇجات قابىلداۋ مەملەكەتتٸك بٸلٸم بەرۋ گرانتى يەگەرلەرٸنٸڭ تٸزٸمٸ جارييالانعان كٷننەن باستالىپ, 18 تامىزعا دەيٸن جالعاسادى.
«تۇران-استانا» ۋنيۆەرسيتەتٸندە ۇبت-دان 100-دەن جوعارى بالل جيناعان «التىن بەلگٸ» يەگەرلەرٸنە وقۋدىڭ تولىق مەرزٸمٸنە رەكتور گرانتى بەرٸلەدٸ.
ٶزبەكەلٸ جەنٸبەكوۆ اتىنداعى وڭتٷستٸك قازاقستان پەداگوگيكالىق ۋنيۆەرسيتەتٸندە مەملەكەتتٸك گرانت يەلەنبەگەن, ۇبت-دان 100-دەن جوعارى بالل جيناعان «التىن بەلگٸ» يەگەرلەرٸنە 100% جەڭٸلدٸك قاراستىرىلعان. 2026-2027 وقۋ جىلىنا رەكتور گرانتىن الۋشىلاردىڭ ناقتى سانى عىلىمي كەڭەستٸڭ شەشٸمٸمەن انىقتالادى.
ەلكەي مارعۇلان اتىنداعى پاۆلودار پەداگوگيكالىق ۋنيۆەرسيتەتٸندە گرانتتاردىڭ ناقتى سانى بەلگٸلەنبەگەن. «6ۆ015 – جاراتىلىستانۋ پەندەرٸ بويىنشا پەداگوگتەردٸ دايارلاۋ» باعىتىنا تٷسكەن «التىن بەلگٸ» يەگەرلەرٸنە GPA كٶرسەتكٸشٸن 3,5 دەڭگەيٸنەن تٶمەندەتپەگەن جاعدايدا وقۋدىڭ تولىق مەرزٸمٸنە 100% جەڭٸلدٸك بەرٸلەدٸ.
كەيبٸر ۋنيۆەرسيتەتتەردە رەكتور گرانتتارىنىڭ ورنىنا وقۋ اقىسىنا جەڭٸلدٸكتەر جٷيەسٸ قولدانىلادى. مەسەلەن, احمەت بايتۇرسىنۇلى اتىنداعى قوستاناي ٶڭٸرلٸك ۋنيۆەرسيتەتٸندە «قامقور», «كٶمەك», «جەردەم» جەنە «زەرەك» جەڭٸلدٸكتەرٸ بار. ولار جەتٸم بالالارعا, مٷگەدەكتٸگٸ بار ستۋدەنتتەرگە, بٸر وتباسىنان قاتار بٸلٸم الىپ جاتقان ستۋدەنتتەرگە, ۋنيۆەرسيتەت قىزمەتكەرلەرٸنٸڭ بالالارىنا جەنە «التىن بەلگٸ» يەگەرلەرٸنە بەرٸلەدٸ. جەڭٸلدٸك مٶلشەرٸ 15%-دان 100%-عا دەيٸنگٸ ارالىقتى قامتيدى.
حالەل دوسمۇحامەدوۆ اتىنداعى اتىراۋ ۋنيۆەرسيتەتٸندە وقۋ اقىسىنا جەڭٸلدٸكتەر 14 سانات بويىنشا بەرٸلەدٸ. ەلەۋمەتتٸك قولداۋ جەتٸم بالالارعا, مٷگەدەكتٸگٸ بار ستۋدەنتتەرگە, از قامتىلعان جەنە كٶپبالالى وتباسىلاردان شىققان بٸلٸم الۋشىلارعا, ۋنيۆەرسيتەت قىزمەتكەرلەرٸنٸڭ بالالارىنا, «التىن بەلگٸ» يەگەرلەرٸنە, وليمپيادالار مەن سپورتتىق جارىستاردىڭ جەڭٸمپازدارىنا جەنە باسقا دا ساناتتارعا ارنالعان. جەڭٸلدٸك مٶلشەرٸ 20%-دان 100%-عا دەيٸن جەتەدٸ.
جالپى ۋنيۆەرسيتەتتەردٸڭ ٶزٸندٸك گرانتتارى مەن جەڭٸلدٸكتەرٸ اكادەمييالىق جەتٸستٸكتەرٸ جوعارى تالاپكەرلەردٸ قولداۋعا, دارىندى جاستاردى ىنتالاندىرۋعا جەنە ەلەۋمەتتٸك وسال ساناتتار ٷشٸن جوعارى بٸلٸمنٸڭ قولجەتٸمدٸلٸگٸن ارتتىرۋعا باعىتتالعان.
گرانتتار مەن جەڭٸلدٸكتەردٸڭ ناقتى سانى, قۇجات قابىلداۋ مەرزٸمدەرٸ, تالاپتارى جەنە قاجەتتٸ قۇجاتتار تٸزٸمٸ ەر جوعارى وقۋ ورنىندا ەرتٷرلٸ. تولىق جەنە ٶزەكتٸ اقپاراتتى تالاپكەرلەر تاڭداعان ۋنيۆەرسيتەتتٸڭ رەسمي سايتىنان نەمەسە قابىلداۋ كوميسسيياسىنان ناقتىلاي الادى.
