Qazaqstandyqtarǵa birjolǵy zeinetaqy tólemderin ipotekany óteýge baǵyttaýǵa ruqsat beriledi, dep habarlaidy Dalanews.kz.
Qazaqstannyń Ónerkásip jáne qurylys ministrligi turǵyn úi jaǵdaiyn jaqsartý úshin birjolǵy zeinetaqy tólemderin paidalanýǵa qatysty erejelerge ózgerister ázirledi. Bul ózgerister zeinetke shyqqan kezde beriletin tólemderge qatysty.
Qujat jobasy azamattardyń BJZQ-daǵy qarajatty paidalaný múmkindigin keńeitýdi kózdeidi. Endi zeinetaqy tólemderin tómendegi maqsattarda qoldanýǵa bolady:
-
ipotekalyq turǵyn úi zaimynyń negizgi qaryzyn óteý;
-
ai saiynǵy tólemdi azaitý;
-
nesie merzimin qysqartý.
Vedomstvonyń málimetinshe, bul túzetýler turǵyn úi jaǵdaiyn jaqsartý úshin zeinetaqy qarajatyn tiimdi paidalaný tetikterin qalyptastyrýǵa jáne halyq úshin turǵyn úidiń qoljetimdiligin arttyrýǵa múmkindik beredi.
Qujat jobasy «Ashyq NQA» portalynda 21 qarashaǵa deiin qoǵamdyq talqylaýda bolady.
