قازاقستاندىقتارعا ءبىرجولعى زەينەتاقى تولەمدەرىن يپوتەكانى وتەۋگە باعىتتاۋعا رۇقسات بەرىلەدى، دەپ حابارلايدى Dalanews.kz.
قازاقستاننىڭ ونەركاسىپ جانە قۇرىلىس مينيسترلىگى تۇرعىن ءۇي جاعدايىن جاقسارتۋ ءۇشىن ءبىرجولعى زەينەتاقى تولەمدەرىن پايدالانۋعا قاتىستى ەرەجەلەرگە وزگەرىستەر ازىرلەدى. بۇل وزگەرىستەر زەينەتكە شىققان كەزدە بەرىلەتىن تولەمدەرگە قاتىستى.
قۇجات جوباسى ازاماتتاردىڭ بجزق-داعى قاراجاتتى پايدالانۋ مۇمكىندىگىن كەڭەيتۋدى كوزدەيدى. ەندى زەينەتاقى تولەمدەرىن تومەندەگى ماقساتتاردا قولدانۋعا بولادى:
-
يپوتەكالىق تۇرعىن ءۇي زايمىنىڭ نەگىزگى قارىزىن وتەۋ؛
-
اي سايىنعى تولەمدى ازايتۋ؛
-
نەسيە مەرزىمىن قىسقارتۋ.
ۆەدومستۆونىڭ مالىمەتىنشە، بۇل تۇزەتۋلەر تۇرعىن ءۇي جاعدايىن جاقسارتۋ ءۇشىن زەينەتاقى قاراجاتىن ءتيىمدى پايدالانۋ تەتىكتەرىن قالىپتاستىرۋعا جانە حالىق ءۇشىن تۇرعىن ءۇيدىڭ قولجەتىمدىلىگىن ارتتىرۋعا مۇمكىندىك بەرەدى.
قۇجات جوباسى «اشىق نقا» پورتالىندا 21 قاراشاعا دەيىن قوعامدىق تالقىلاۋدا بولادى.
