2014-2018 jyldary salynǵan Nurkent, Zerdeli, Jas Qanat shaǵyn aýdandarynda qala bıliginiń shuǵyl aralasýyn talap etetin birqatar problemalar boldy. Almaty qalasy ákiminiń orynbasary Muhıt Ázirbaev joǵaryda atalǵan shaǵyn aýdandardaǵy jaǵdaı týraly aıta kele, qazirgi ýaqytta Zerdeli shaǵyn aýdanynda turǵyn úılerdi nyǵaıtý boıynsha jumystar júrgizilip jatqanyn atap ótti. Nyǵaıtýdy qajet etetin 30 úıdiń 20-y aıaqtaldy, qalǵan jumystar kelesi jylǵa qalyp otyr.

Sonymen qatar, Nurkenttegi úıler turǵyndarynyń ótinishi boıynsha 18 turǵyn úıdiń qasbetterin aǵymdaǵy jóndeý boıynsha jumystar júrgizilýde, olardyń 16-y búgingi kúni aıaqtaldy, 2 úı aıaqtalý satysynda, sondaı-aq aýla aýmaqtaryn abattandyrý aıaqtalýda.

Áleýmettik obektilerdi damytý jáne salý sheńberinde aýlaishilik keńistikte jer ýchaskesi satyp alynady jáne 320 oryndy balabaqsha salynady.

Jas Qanat shaǵyn aýdanyndaǵy 30 aýlada balalar men sport alańdaryn jóndeý jáne ornatý jumystary júrgizilýde.