2014-2018 جىلدارى سالىنعان نۇركەنت، زەردەلى، جاس قانات شاعىن اۋداندارىندا قالا بيلىگىنىڭ شۇعىل ارالاسۋىن تالاپ ەتەتىن ءبىرقاتار پروبلەمالار بولدى. الماتى قالاسى ءاكىمىنىڭ ورىنباسارى مۇحيت ازىربايەۆ جوعارىدا اتالعان شاعىن اۋداندارداعى جاعداي تۋرالى ايتا كەلە، قازىرگى ۋاقىتتا زەردەلى شاعىن اۋدانىندا تۇرعىن ۇيلەردى نىعايتۋ بويىنشا جۇمىستار جۇرگىزىلىپ جاتقانىن اتاپ ءوتتى. نىعايتۋدى قاجەت ەتەتىن 30 ءۇيدىڭ 20-ى اياقتالدى، قالعان جۇمىستار كەلەسى جىلعا قالىپ وتىر.

سونىمەن قاتار، نۇركەنتتەگى ۇيلەر تۇرعىندارىنىڭ ءوتىنىشى بويىنشا 18 تۇرعىن ءۇيدىڭ قاسبەتتەرىن اعىمداعى جوندەۋ بويىنشا جۇمىستار جۇرگىزىلۋدە، ولاردىڭ 16-ى بۇگىنگى كۇنى اياقتالدى، 2 ءۇي اياقتالۋ ساتىسىندا، سونداي-اق اۋلا اۋماقتارىن اباتتاندىرۋ اياقتالۋدا.

الەۋمەتتىك وبەكتىلەردى دامىتۋ جانە سالۋ شەڭبەرىندە اۋلاىشىلىك كەڭىستىكتە جەر ۋچاسكەسى ساتىپ الىنادى جانە 320 ورىندى بالاباقشا سالىنادى.

جاس قانات شاعىن اۋدانىنداعى 30 اۋلادا بالالار مەن سپورت الاڭدارىن جوندەۋ جانە ورناتۋ جۇمىستارى جۇرگىزىلۋدە.