Sheshenstan basshysy Ramzan Qadyrovtyń uly Adam Qadyrov Ýkraina prezidenti Vladimir Zelenskiidiń atyna qatań ári qoqan-loqy sipatyndaǵy málimdeme jasady, dep habarlaidy Dalanews.kz.
Áleýmettik jelide jariialanǵan jazbada Adam Qadyrov Zelenskiidi aýyr sózdermen aiyptap, ony "shyndyqtan ajyraǵan" dep sipattaidy jáne tikelei qaýip aitady.
"Ózin "Ýkraina prezidenti" dep ataityn, shyndyqtan tolyq ajyraǵan kievtik nashaqor taǵy da meniń ákem – Ramzan Ahmatovich Qadyrov týraly birdeńe aityp júr. Amalsyzdyqtan bul saiqymazaq qojaiyndarynan “Ramzan Qadyrovty Amerikaǵa jetkizip berýdi" surap otyr. Bul adam retinde de, saiasatker retinde de tolyq kúiregeniniń aiqyn belgisi.
Eger Joǵarǵy bas qolbasshy Vladimir Vladimirovich Pýtin nemese meniń ákem bir aýyz sóz aitsa, biz seni qai jerde bolsań da tabamyz. Bul tek ýaqyttyń enshisindegi másele. Biz eshqandai operatsiia jariialamaimyz. Jai ǵana kelemiz de, seni alyp ketemiz", – delingen jazbada.
Bul málimdeme jelide jyldam tarap, qoǵam nazaryn aýdardy. Qoldanýshylar onyń mazmunyn tikelei qoqan-loqy retinde baǵalap, agressivti ritorikasyn talqylaýda.
Material jariialanǵan sátte Ýkraina tarapy men Reseidiń resmi organdary tarapynan bul jazbaǵa qatysty resmi túsinikteme berilgen joq.
