Ýkraina prezidenti Vladimir Zelenskii qaýipsizdik qamtamasyz etilip, qajetti zańdyq baza ázirlense, 60–90 kún ishinde sailaý ótkizýge daiyn ekenin aitty, dep habarlaidy Dalanews.kz.
Ol bul pikirin AQSh prezidenti Donald Tramptyń Ýkrainada bilikti jańartý jónindegi úndeýine túsinikteme berý barysynda jetkizdi.
Zelenskiidiń sózinshe, daýys berýge kedergi bolyp otyrǵan basty máseleler - soǵys áreketteri jáne áskeri jaǵdai kezinde sailaý ótkizýdiń naqty quqyqtyq tetiginiń joqtyǵy. Ol AQSh pen Eýropa elderinen sailaý protsesiniń qaýipsizdigin qamtamasyz etýge kómektesýdi surap, Joǵarǵy Radaǵa zańnamaǵa qajetti ózgeristerdi jedel daiyndaýǵa shaqyrdy.
Soǵys jaǵdaiynda sailaý ótkizý teoriialyq turǵyda múmkin bolǵanymen, sarapshylardyń aitýynsha, mundai qadam turaqtylyqqa aitarlyqtai qaýip tóndirýi múmkin.
