Ýkraina prezidenti Vladimir Zelenskii Axios basylymyna bergen suhbatynda qandai jaǵdaida otstavkaǵa ketýge daiyn ekenin aitty, dep habarlaidy Dalanews.kz.
Zelenskii óziniń basty maqsaty – soǵysty toqtatý ekenin aityp, saiasi naýqanǵa qaita-qaita qatysýdy kózdemeitinin jetkizdi.
«Meniń maqsatym – sailaýǵa túsý emes, soǵysty aiaqtaý», – dedi Ýkraina basshysy.
Jýrnalisterdiń «soǵys bitkennen keiin qyzmetińizdi aiaqtaldy dep sanaisyz ba?» degen suraǵyna ol otstavkaǵa ketýge daiyn ekenin málimdedi. Axios-tyń jazýynsha, eger atysty toqtatý rejimine qol jetkizilse, Zelenskii Joǵarǵy radaǵa sailaý ótkizý bastamasymen shyǵýǵa ázir.
Degenmen, ol eldiń keibir aimaqtaryndaǵy qaýipsizdik jaǵdaiy men Konstitýtsiiadaǵy shekteýlerdi eske saldy. Ýkraina Konstitýtsiiasy soǵys jaǵdaiynda sailaý ótkizýge tyiym salady. Soǵan qaramastan, Zelenskii mundai sailaýdy uiymdastyrý múmkin dep sanaidy.
