ۋكراينا پرەزيدەنتى ۆلاديمير زەلەنسكيي Axios باسىلىمىنا بەرگەن سۇحباتىندا قانداي جاعدايدا وتستاۆكاعا كەتۋگە دايىن ەكەنىن ايتتى، دەپ حابارلايدى Dalanews.kz.
زەلەنسكيي ءوزىنىڭ باستى ماقساتى – سوعىستى توقتاتۋ ەكەنىن ايتىپ، ساياسي ناۋقانعا قايتا-قايتا قاتىسۋدى كوزدەمەيتىنىن جەتكىزدى.
«مەنىڭ ماقساتىم – سايلاۋعا ءتۇسۋ ەمەس، سوعىستى اياقتاۋ»، – دەدى ۋكراينا باسشىسى.
جۋرناليستەردىڭ «سوعىس بىتكەننەن كەيىن قىزمەتىڭىزدى اياقتالدى دەپ سانايسىز با؟» دەگەن سۇراعىنا ول وتستاۆكاعا كەتۋگە دايىن ەكەنىن مالىمدەدى. Axios-تىڭ جازۋىنشا، ەگەر اتىستى توقتاتۋ رەجيمىنە قول جەتكىزىلسە، زەلەنسكيي جوعارعى راداعا سايلاۋ وتكىزۋ باستاماسىمەن شىعۋعا ءازىر.
دەگەنمەن، ول ەلدىڭ كەيبىر ايماقتارىنداعى قاۋىپسىزدىك جاعدايى مەن كونستيتۋسياداعى شەكتەۋلەردى ەسكە سالدى. ۋكراينا كونستيتۋسياسى سوعىس جاعدايىندا سايلاۋ وتكىزۋگە تىيىم سالادى. سوعان قاراماستان، زەلەنسكيي مۇنداي سايلاۋدى ۇيىمداستىرۋ مۇمكىن دەپ سانايدى.
