Ýkraina prezidenti Vladimir Zelenskii Kievtiń Máskeýdiń Iranǵa barlaý derekterin bergenin dáleldeitin bultartpas aiǵaqtary bar ekenin málimdedi, dep habarlaidy Dalanews.kz.
Bul týraly Ýkraina basshysy dúisenbi, 23 naýryz kúni H áleýmettik jelisinde jazdy.
«Birinshiden, bizde reseilikterdiń iran rejimine barlaý málimetterin berýdi jalǵastyryp otyrǵanyn dáleldeitin naqty aiǵaqtar bar», — dedi prezident. Ol bul málimdemesin Ýkraina Qorǵanys ministrligi Bas barlaý basqarmasynyń jetekshisi Oleg Ivashenkonyń baiandamasyna súiene otyryp jasaǵan.
Zelenskiidiń aitýynsha, Resei radiotehnikalyq jáne radioelektrondyq barlaý múmkindikterin, sondai-aq Taiaý Shyǵystaǵy seriktesterimen yntymaqtastyq aiasynda alynǵan málimetterdiń bir bóligin paidalanyp otyr.
Naýryz aiynyń basynda The Washington Post basylymy Resei Iranǵa Taiaý Shyǵystaǵy amerikalyq áskeri kúshterge soqqy jasaý úshin barlaý derekterin berip otyrǵanyn jazǵan edi.
AQSh prezidentiniń arnaiy ókili Stiven Ýitkofftyń aitýynsha, Resei mundai áreketterdi joqqa shyǵarady. Al Donald Tramp óz kezeginde Máskeý Tegeranǵa «azdap» kómektesip otyr degen pikir bildirgen.
