Májilis qabyldaǵan zań aiasynda Qazaqstanda jumys istep júrgen jeke sot oryndaýshylary úshin mindetti attestattaý engiziledi, dep habarlaidy dalanews.kz.
Jańa tártipke sáikes JSO-lardyń zańnamany jáne Kásibi ar namys kodeksin bilý deńgeii tekseriledi. Attestattaýdan qaita óte almaǵan jaǵdaida jeke sot oryndaýshysynyń litsenziiasy toqtatylýy múmkin.
Túzetýlermen JSO kómekshileri men taǵylymdamashylaryna qoiylatyn talaptar da kúsheitildi. Sońǵy úsh jylda sybailas jemqorlyq quqyq buzýshylyqtary úshin jaýapqa tartylǵan azamattar mundai qyzmetterdi atqara almaidy.
Sonymen qatar ádilet organdarynyń jeke sot oryndaýshylary qyzmetin baqylaý ókilettigi keńeitiledi. Endi arnaiy shottardaǵy qarajattyń qozǵalysy men qaldyǵy týraly málimetter suratylýy múmkin.
Qujatta atqarýshylyq isterdi basqa óńirlerge negizsiz berý tájiribesin toqtatý da qarastyrylǵan. Eger boryshker basqa aimaqta jumys istese nemese túzeý mekemesinde bolsa, sot oryndaýshysy isti bermei aq, jalaqydan ustap qalý týraly qaýly joldai alady.
Budan bólek elektrondy saýda sattyq tártibi ózgeredi. Jeńimpaz satyp alýdan bas tartsa, múlikti alý quqyǵy kelesi qatysýshyǵa ótedi.
Sondai aq internet platformalar men mobildi qosymsha operatorlary sot oryndaýshylaryna boryshkerlerdiń tabysy týraly málimet berýge mindetteledi.
