Qarjylyq monitoring agenttigi dárilik preparattardy satyp alý kezinde zalal keltirý deregi boiynsha tergep-tekserýdi aiaqtady, dep habarlaidy dalanews.kz.
"Interfarmservis" JShS Qazaqstan aýmaǵynda Diýshenn bulshyqet distrofiiasyn emdeýge arnalǵan dárilerdiń distribiýtory jáne jalǵyz jetkizýshisi bola otyryp, bes jyl boiy olardy elimizdiń meditsinalyq uiymdaryna jetkizip kelgen.
Bul preparattar boiynsha óndirýshi shekti satý baǵalaryn belgilegen.
Alaida kompaniia basshylyǵy zańsyz paida tabý maqsatynda jetkizý tizbegine Birikken Arab Ámirlikterinde tirkelgen ózderine baǵynysty kompaniiany qosyp, sol arqyly jalǵan mámileler júrgizgen.
Osy shema arqyly preparattardyń satý baǵasy jasandy túrde ósirilip, olardyń naqty ózindik quny jasyrylyp, zańsyz paida kózdelgen.
Saldarynan memleketke 3,7 mlrd teńge kóleminde zalal keltirildi.
Zańsyz tabysqa salyq tóleýden jaltarý maqsatynda seriktestik basshylyǵy jeke kásipkerlermen jalǵan mámileler jasap, jalǵan shot-faktýralar rásimdeý arqyly qarajatty shyǵarý shemasyn uiymdastyrǵan.
Sonyń saldarynan 4 mlrd teńgeden asa qarajat qolma-qol aqshaǵa ainaldyrylǵan. Kompaniia 637 mln teńgeden asa mólsherde salyq tóleýden jaltarǵan.
Zańsyz baiý nátijesinde kásipkerler 32 páter, 11 kólik jáne 8 turǵyn úi satyp alǵan. Bul múlikke tárkileý maqsatynda tyiym salyndy.
Eki kúdiktige qatysty úiqamaq túrindegi bultartpaý sharasy, úshinshi tulǵaǵa qatysty kepil túrindegi bultartpaý sharasy qoldanyldy.
Qazir taraptar qylmystyq is materialdarymen tanysa bastady.
