Zaisan aýdanyna jumys sapary barysynda Shyǵys Qazaqstan oblysynyń ákimi Nurymbet Saqtaǵanov Satpai eldi mekeninde salynyp jatqan áýejaidyń qurylysymen tanysty, – dep habarlaidy Dalanews.kz ShQO ákiminiń baspasóz qyzmetine silteme jasap.
– Byltyr Memleket basshysy Qasym-Jomart Toqaevtyń tapsyrmasymen Buqtyrma kópiri paidalanýǵa berilse, biyl Zaisan jáne Katonqaraǵai aýdandarynda jańa áýejailardyń qurylysy bastaldy.
Jańa nysan Qazaqstan men Qytai arasyndaǵy joldy bir kúnge qysqartty. Endi jańa áýejai Mońǵoliia men Qytai arasyndaǵy halyqaralyq bailanysty jiiletedi. Bul, birinshi kezekte, týrizmge, aýyl sharýashylyǵy men basqa da salalarǵa serpin beretini sózsiz, – dedi oblys ákimi Nurymbet Amanuly.
Áýejaidyń qurylys alańynda birqatar máseleler bar, biraq olar óz sheshimin taýyp jatyr. Ushý-qoný jolaǵynyń uzyndyǵy ázirge 2200 metr. Onyń negizi Airbus jáne Boeing ushaqtaryn qabyldai alatyndai etip salynyp jatyr. Alǵashqy kezeńde syiymdylyǵy 80-85 oryndyq ushaqtar qatynaityn bolady. Eger áýe qatynastaryna suranys artyp, qozǵalys jiilese, ushý-qoný jolaǵyn eki shetinen 400 metrge uzartý kózdeledi. Sondai-aq ústińgi tas jol qabaty tolyq kúsheitilmek.
Áýejai quramyna 4000 sharshy metrlik jolaýshylar terminaly, ushý-qoný jolaqtary, tórt áýe kemesine arnalǵan perron, basqarý-dispetcherlik munara, apattyq-qutqarý qyzmeti, meteostantsiialar men radionavigatsiialyq jabdyqtar kiredi.
Áýejai iske qosylǵannan keiin Astana, Almaty jáne Óskemen baǵyttary boiynsha ishki reister oryndalady. Sonymen qatar Qytaidyń Úrimji qalasyna, Altai aýdany men Qanas kóline halyqaralyq reister ashý josparlanýda. Áýejai Bombardier Q400, ATR-72 sekildi óńirlik áýe kemelerin qabyldai alady.
