Qoǵamdyq baqylaýmen ainalysatyn Gosrating uiymy Shyǵys Qazaqstan oblysynyń ákimi Nurymbet Saqtaǵanovtan burynǵy orynbasary Jaqsylyq Omardyń isine qatysty túsinikteme berýin surady, dep habarlaidy dalanews.kz.
Uiymnyń málimetinshe, 2026 jylǵy 20 mamyrda ShQO ákiminiń burynǵy birinshi orynbasary Jaqsylyq Omarǵa qatysty para alý faktisi boiynsha shyǵarylǵan aiyptaý úkimi zańdy kúshine engen.
Qazaqstan zańnamasyna sáikes, eger memlekettik qyzmetker sybailas jemqorlyq qylmysy úshin sottalsa, onyń tikelei basshysy belgili bir merzim ishinde qyzmetinen ketýi tiis. Gosrating osy talaptyń oryndalýyna qatysty ázirge resmi aqparat jariialanbaǵanyn atap ótti.
Osyǵan bailanysty uiym oblys ákimdigine ashyq túrde úndeý jasap, qalyptasqan jaǵdaiǵa qatysty túsinikteme berýlerin surady.
"Elimizde zań bárine birdei ári teń dárejede qoldanylýy tiis", – delingen uiymnyń málimdemesinde.
