QMA Almaty oblysy boiynsha departamenti Almaty oblysy Qarasai aýdandyq Máslihatynyń eks-depýtatyna qatysty asa iri kólemde alaiaqtyq jáne qylmystyq kiristerdi zańdastyrý deregi boiynsha tergeý júrgizip jatyr, - dep habarlaidy Dalanews.kz.
Memleketten sýbsidiia alý maqsatynda kúdikti Almaty oblysynyń aýyl sharýashylyǵy basqarmasyna «Nagrada» túrindegi tańqýrai kóshetterin satyp alý týraly jalǵan qujattardy usynǵan. Somasy 947 mln teńge bolǵan. Nátijesinde ol 474 million teńge dep kórsetilgen somanyń 50% kóleminde zańsyz sýbsidiia alǵan.
"Bul kiristerdi jylystatý úshin kúdikti 21 jeke kásipkermen kóshetterdi oraý, tieý, túsirý jumystaryn oryndaý úshin jalǵan kelisimsharttardy qamtityn kóp deńgeili shema ázirlegen, biraq is júzinde bul jumystar oryndalmaǵan. Jalǵan kelisimder men tólem qujattary negizinde 431 mln teńge somaǵa qolma-qol qarajat alyndy", - dep jazylǵan habarlamada.
Sonymen qatar, urlanǵan qarajattardy zańdy ainalymǵa tartý maqsatynda ol jubaiynyń atynan baǵaly qaǵazdarmen operatsiialar júrgizip, qosymsha 89 mln teńge qylmystyq tabys tapqan.
Bul tabysqa ol Almaty qalasynan eki bólmeli páter jáne Toyota Highlander avtokóligin satyp alǵan.
Osy múlikke, sondai-aq, 50 mln teńge aqshaǵa jáne 91 mln teńgeniń baǵaly qaǵazdaryna tyiym salyndy.
Sonymen qatar, memleketten urlanǵan 170 mln teńgeni kúdikti Qonaev qalasyndaǵy kazinoǵa qurtqany belgili boldy.
Sot sanktsiiasymen kúdikti 2 aiǵa qamaýǵa alyndy.
