Jańa oqý jylynan bastap birneshe jańa mindetti pán men kýrs oqytylady. Bul týraly Úkimet otyrysynda oqý-aǵartý ministri Juldyz Súleimenova málimdedi, dep habarlaidy dalanews.kz.
Ministrdiń aitýynsha, ózgerister jańa Konstitýtsiiany iske asyrý aiasynda ázirlengen jáne ártúrli synyp oqýshylaryna qatysty bolady.
5-7-synyp oqýshylary úshin "Konstitýtsiia negizderi" páni engiziledi. Al 8-11-synyptarda "Zań jáne tártip" mindetti kýrsy oqytylady. Sonymen qatar, 5-11-synyp oqýshylaryna "Jeke qaýipsizdik" atty mindetti kýrs engizilmek.
Sondai-aq, mektep oqýlyqtarynyń mazmuny da jańartylady.
30 tamyzǵa deiin qaita basylǵan 3 jáne 7-synyp oqýlyqtary bilim berý uiymdaryna jetkiziledi. Al 4 jáne 9-synyptardyń oqýlyqtary 2027 jylǵy 1 qańtarǵa deiin, 8-synypqa arnalǵan oqýlyqtar 2027 jylǵy 1 sáýirge deiin jetkiziledi.
Ministrdiń sózinshe, bastaýysh bilim berý baǵdarlamasy da qaita qaralady. Birinshi synyp oqýshylary úshin beiimdelý kezeńi engizilip, oqý júktemesi azaiady. Sonymen qatar, praktikalyq baǵyt kúsheitilip, oqý baǵdarlamalary balalardyń jas erekshelikterine sáikestendiriledi.
