Donald Tramp ınaýgýrasıa aldynda birneshe ret «zań men tártip» tezısin qaıtalap, Jańa Amerıkanyń negizi dál osy ıdeologıaǵa qurylatynyn aıtty. Osyndaı sózdi 2024 jylǵy Joldaýynda prezıdent Qasym-Jomart Toqaev ta aıtqan bolatyn, dep habarlaıdvy Dalanews.kz.

Saıasattanýshy Marat Shıbutovtyń pikirinshe, buryn adamdar úshin erkindik basty qundylyq sıaqty bolǵan. Keıin ál-aýqat birinshi orynǵa shyqty. Sodan keıin bári óz-ózin damytýǵa umtyldy. Degenmen qazir bir nárseni túsiný kerek: zań men tártiptiń negizi qalanbaı bul qundylyqtardyń eshqaısyna qol jetpeıdi.

Toqaev muny túsindi. Bizdiń elimiz shaǵyn, sondyqtan prosester tezirek damıdy. Osyǵan baılanysty ol birneshe jyl buryn zań men tártipke basymdyq berip bastady. «Ekonomıka da, qoǵam da onsyz turaqty damı almaıdy», dep esepteıdi ol. Al AQSH – múldem basqa áńgime. Alyp ta myǵym el. Biraq sonyń ózinde ishki máseleleri – násildik tolqýlar, qylmystyń ósýi, zańsyz mıgrasıa ony da shaıqalta bastady, deıdi Shıbutov.

Onyń sózinshe, Amerıka bul máselelerge uzaq ýaqyt boıy kóz jumyp kelgenimen, endi, olardyń qoǵamy ishki qaýip-qaterlerge tap boldy. Sondyqtan Tramp ta «zań men tártip – biz qaıtaryp alatyn nárse», dep málimdep otqanyn aıtady.