دونالد ترامپ يناۋگۋراسيا الدىندا بىرنەشە رەت «زاڭ مەن ءتارتىپ» تەزيسىن قايتالاپ، جاڭا امەريكانىڭ نەگىزى ءدال وسى يدەولوگياعا قۇرىلاتىنىن ايتتى. وسىنداي ءسوزدى 2024 جىلعى جولداۋىندا پرەزيدەنت قاسىم-جومارت توقايەۆ تا ايتقان بولاتىن، دەپ حابارلايدۆى Dalanews.kz.

ساياساتتانۋشى مارات شيبۇتوۆتىڭ پىكىرىنشە، بۇرىن ادامدار ءۇشىن ەركىندىك باستى قۇندىلىق سياقتى بولعان. كەيىن ءال-اۋقات ءبىرىنشى ورىنعا شىقتى. سودان كەيىن ءبارى ءوز-وزىن دامىتۋعا ۇمتىلدى. دەگەنمەن ءقازىر ءبىر نارسەنى ءتۇسىنۋ كەرەك: زاڭ مەن ءتارتىپتىڭ نەگىزى قالانباي بۇل قۇندىلىقتاردىڭ ەشقايسىنا قول جەتپەيدى.

توقايەۆ مۇنى ءتۇسىندى. ءبىزدىڭ ەلىمىز شاعىن، سوندىقتان پروسەستەر تەزىرەك داميدى. وسىعان بايلانىستى ول بىرنەشە جىل بۇرىن زاڭ مەن تارتىپكە باسىمدىق بەرىپ باستادى. «ەكونوميكا دا، قوعام دا ونسىز تۇراقتى دامي المايدى»، دەپ ەسەپتەيدى ول. ال اقش – مۇلدەم باسقا اڭگىمە. الىپ تا مىعىم ەل. ءبىراق سونىڭ وزىندە ىشكى ماسەلەلەرى – ناسىلدىك تولقۋلار، قىلمىستىڭ ءوسۋى، زاڭسىز ميگراسيا ونى دا شايقالتا باستادى، دەيدى شيبۇتوۆ.

ونىڭ سوزىنشە، امەريكا بۇل ماسەلەلەرگە ۇزاق ۋاقىت بويى كوز جۇمىپ كەلگەنىمەن، ەندى، ولاردىڭ قوعامى ىشكى قاۋىپ-قاتەرلەرگە تاپ بولدى. سوندىقتان ترامپ تا «زاڭ مەن ءتارتىپ – ءبىز قايتارىپ الاتىن نارسە»، دەپ مالىمدەپ وتقانىن ايتادى.