Jambyl oblysynda ekinshi synypta oqityn qyzǵa jynystyq zorlyq-zombylyq jasaǵan er adamǵa qatysty sot úkimi shyqty. Sot ony kináli dep tanyp, ómir boiyna bas bostandyǵynan aiyrý jazasyn taǵaiyndady, dep habarlaidy dalanews.kz 24.kz-ke siltep.
Telearna málimetinshe, oqiǵa oblystaǵy aýyldardyń birinde bolǵan. Oqiǵa kúni ata-anasy balalaryn atasyna qaldyryp, sharýalarymen qalaǵa ketken. Úide kózi kórmeitin qariia, ekinshi synypta oqityn nemeresi jáne besiktegi sábi ǵana bolǵan.
Sol kúni túski ýaqytta úige alys týysy kelip, Wi-Fi-dyń qupiiasózin suraǵan. Tergeý deregine sáikes úide eresekter joq ekenin paidalanǵan er adam qyzdy aldap, oǵan jynystyq zorlyq-zombylyq jasaǵan. Keiin eshteńe bolmaǵandai balany dalaǵa oinaýǵa jiberip, ózi ketip qalǵan.
Keshke jumystan oralǵan anasyna qyz ózin jaisyz sezinetinin aityp, kúndiz bolǵan jaitty baiandaǵan. Áiel birden politsiiaǵa habar bergen.
Al saraptama nátijesi balanyń sózin tolyqtai rastaǵan.
