Jambyl oblysynda balaǵat sózder úshin birneshe ret jaýapqa tartylǵan strimer psihikalyq densaýlyq ortalyǵyna jatqyzyldy, dep habarlaidy dalanews.kz.
TikTok jelisinde "Zolotaia jenshina" laqapatymen tanylǵan Baizaq aýdanynyń 41 jastaǵy turǵyny Lailo Qasymova tikelei efirler barysynda balaǵat sózder qoldanǵany úshin birneshe ret ákimshilik jaýapkershilikke tartylǵan.
Birneshe márte eskertý jasalyp, profilaktikalyq jumystar júrgizilgenine qaramastan, áiel mundai áreketin jalǵastyra bergen. Ol óziniń kámeletke tolmaǵan balalaryna da balaǵat sózder aitqan.
Politsiia, qorǵanshylyq jáne qamqorshylyq organdary, basqa da múddeli qyzmetter balalar qalai turyp jatqanyn teksergen. Qazir balalar ákesiniń qaraýynda.
"Jedel meditsinalyq járdem brigadasynyń tekserýinen keiin Lailo Qasymova em qabyldaý úshin Jambyl oblystyq psihikalyq densaýlyq ortalyǵyna jatqyzyldy", - dedi politsiia.
