Jambyl oblysynda kókpar kezindegi janjal atyspen aiaqtalǵan. Sot osy is boiynsha sheshim shyǵardy, dep habarlaidy dalanews.kz.
Biyl qańtarda kókpar oiyny kezinde Keńes aýylynyń eki turǵyny arasynda janjal týyndap, ol tóbeleske ulasqan. Biraz ýaqyttan keiin janjalǵa qatysýshylardyń biri bolǵan oqiǵa týraly týysyna (aiyptalýshy M.-ǵa) habarlaǵan. Aiyptalýshy úiine baryp, óz atyna zańdy túrde tirkelgen IJ-81 ańshy myltyǵyn alyp, ony rezeńke oqpen zariadtap, jábirlenýshini atyp, densaýlyǵyna jeńil ziian keltirgen.
M.-niń áreketi aýyl turǵyndary arasynda úrei týǵyzyp, qoǵamdyq tynyshtyq buzylýyna ákep soqqan.
Kiná taraptardyń, kýálerdiń aiǵaqtarymen, saraptamalardyń qorytyndylarymen jáne istiń basqa da materialdarymen dáleldengen. Jábirlenýshi M.-di keshirgenin jáne oǵan eshqandai talap qoiylmaǵanyn, taraptar tatýlasqanyn aitqan.
Sot úkimimen M. QK-niń 293-baby 3-bóligi boiynsha kináli dep tanylyp, oǵan 5 jyl merzimge bas bostandyǵynan aiyrý túrindegi jaza taǵaiyndaldy. Alaida sot QK-niń 63-babyn qoldandy, osylaisha taǵaiyndalǵan jaza shartty dep tanyldy.
Úkim zańdy kúshine endi.
