Qazaqstandyq tanymal boksshy Angelina Lýkas Olimpiada chempiony Mihail Shaidorovtyń jalaqyǵa qatysty málimdemesine qoldaý bildirdi. Sportshy bul týraly Instagram-paraqshasynda jazba jariialady, dep habarlaidy dalanews.kz.
Lýkastyń aitýynsha, mundai jaǵdai oǵan da tanys.
«Mihail Shaidorovtyń bes aiǵa jýyq ýaqyttan beri jalaqy almaǵany týraly oqydym. Bul meni tańǵaldyrmaidy. Meniń de Qazaqstan quramasynda júrgende dál osyndai jaǵdai boldy. Qurama kóshbasshylarynyń biri bolsam da, maǵan nebári 50 myń teńge tóleitin», – dedi ol.
Boksshynyń sózinshe, sportshylar máseleni ashyq aitqanda, kóbine qoldaý emes, qysymǵa tap bolady.
«Eń qorqynyshtysy – sportshy shyndyqty aitqanda nemese júiege qaramastan nátije kórsetkende, qoldaýdyń ornyna qysym, qýdalaý jáne tapsyryspen jazylǵan maqalalar bastalady. Men muny óz basymnan ótkerdim: men týraly aqparattardy ortaq chattarǵa taratyp, jappai shabýyl jasaýǵa úndegen», – dedi Lýkas.
Eske salaiyq, buǵan deiin Mihail Shaidorov jarty jyldan beri jalaqy almai júrgenin málimdegen bolatyn.
Shaidorovtyń aitýynsha, ákimdik pen Aqordadaǵy saltanatty qabyldaýlardan keiin oǵan jalaqy tóleý toqtaǵan.
