Jalǵan tólem jáne esep aiyrysý qujattaryn paidalanyp, 55 avtokólik quralyn zańsyz esepke tirkeý faktisi boiynsha qylmystyq isterdiń birin QMA Aqmola oblysy boiynsha Departamenti tergep jatyr, – dep habarlaidy Dalanews.kz Qarjy monitoring agenttiginiń qyzmetine silteme jasap.
Zańsyzdyqqa barǵandar bastapqy tirkeý úshin alymdy tólemeý saldarynan memleketke 401,3 mln teńge kóleminde zalal keltirildi.
Qylmysty uiymdastyrýshy top Aqmola oblysy politsiia departamenti Ákimshilik politsiia basqarmasynyń burynǵy aǵa memlekettik inspektorymen birigip, 2020 jylǵy jeltoqsan men 2022 jylǵy qańtar aralyǵynda tiisti tólemderdi tólemeý, elektrondyq ótinimderdi bekitý, jalǵan tólem qujattaryn paidalaný jolymen shetelden ákelingen kólik quraldaryn jappai bastapqy tirkegeni anyqtaldy.
QR QPK-niń 201-babyna sáikes ózge de aqparat taratylýǵa jatpaidy.
