جالعان تولەم جانە ەسەپ ايىرىسۋ قۇجاتتارىن پايدالانىپ، 55 اۆتوكولىك قۇرالىن زاڭسىز ەسەپكە تىركەۋ فاكتىسى بويىنشا قىلمىستىق ىستەردىڭ ءبىرىن قما اقمولا وبلىسى بويىنشا دەپارتامەنتى تەرگەپ جاتىر، – دەپ حابارلايدى Dalanews.kz قارجى مونيتورينگ اگەنتتىگىنىڭ قىزمەتىنە سىلتەمە جاساپ.
زاڭسىزدىققا بارعاندار باستاپقى تىركەۋ ءۇشىن الىمدى تولەمەۋ سالدارىنان مەملەكەتكە 401،3 ملن تەڭگە كولەمىندە زالال كەلتىرىلدى.
قىلمىستى ۇيىمداستىرۋشى توپ اقمولا وبلىسى پوليسيا دەپارتامەنتى اكىمشىلىك پوليسيا باسقارماسىنىڭ بۇرىنعى اعا مەملەكەتتىك ينسپەكتورىمەن بىرىگىپ، 2020 جىلعى جەلتوقسان مەن 2022 جىلعى قاڭتار ارالىعىندا ءتيىستى تولەمدەردى تولەمەۋ، ەلەكتروندىق وتىنىمدەردى بەكىتۋ، جالعان تولەم قۇجاتتارىن پايدالانۋ جولىمەن شەتەلدەن اكەلىنگەن كولىك قۇرالدارىن جاپپاي باستاپقى تىركەگەنى انىقتالدى.
ق ر قپك-نىڭ 201-بابىنا سايكەس وزگە دە اقپارات تاراتىلۋعا جاتپايدى.
