Izrail qorǵanys armiiasy (TsAHAL) evrei memleketine jasalǵan shabýyldarǵa jaýap retinde Irandaǵy áskeri nysandarǵa soqqy jasaǵanyn málimdedi, - dep habarlaidy Dalanews.kz.
"Iran rejiminiń Izrailge birneshe ai boiy úzdiksiz shabýyldaryna jaýap retinde dál qazir Izrail qorǵanys armiiasy Irandaǵy áskeri nysandarǵa soqqy jasap jatyr", - dep jazylǵan Izrail qorǵanys armiiasynyń aqparatynda.
Irandaǵy nysandarǵa soqqy jasalǵany týraly aqparatty Izraildiń resmi memlekettik Kan teleradiokompaniiasy da rastady.
Izrail qorǵanys armiiasynyń ókili Daniel Hagar da Izrail aviatsiiasy Irandaǵy áskeri nysandarǵa soqqy jasaǵanyn málimdep, qajet bolǵan jaǵdaida osy oqiǵalar týraly halyqty habardar etýge ýáde berip, arnaiy beinehabarlama jariialady.
Sky News Arabia málimetinshe, Izrail shabýyldaǵan Irandaǵy oryndardyń biri ballistikalyq zymyrandardy ushyrýǵa arnalǵan áskeri baza boldy.
CBS News Izraildiń Iranǵa jasaǵan shabýyly tek áskeri maqsattarmen shektelgenin, iadrolyq nemese munai nysandaryna taralmaǵanyn habarlady.
Jerusalem Post gazetiniń málimetinshe, Izrail Iranǵa shabýyl kezinde 100-den asa ushaqty jumyldyrǵan.
"Iranǵa eki myń shaqyrym qashyqtaǵy shabýylǵa 100-den asa ushaq, sonyń ishinde eń jańa F-35 jasyryn joiǵysh ushaǵy qatysty", - dep jazylǵan habarlamada.
Buǵan deiin irandyq BAQ Tegerandaǵy jarylystyń daýysy týraly habarlaǵan bolatyn.
Al Iran armiiasynyń qolbasshylyǵy Tegerandaǵy shabýyldardyń kópshiligi sátti toitarylǵanyn, barlyq áýe nysany atyp túsirilgenin málimdedi.
