يزرايل قورعانىس ارمياسى (ساحال) ەۆرەي مەملەكەتىنە جاسالعان شابۋىلدارعا جاۋاپ رەتىندە يرانداعى اسكەري نىساندارعا سوققى جاساعانىن مالىمدەدى، - دەپ حابارلايدى Dalanews.kz.
"يران رەجيمىنىڭ يزرايلگە بىرنەشە اي بويى ۇزدىكسىز شابۋىلدارىنا جاۋاپ رەتىندە ءدال ءقازىر يزرايل قورعانىس ارمياسى يرانداعى اسكەري نىساندارعا سوققى جاساپ جاتىر"، - دەپ جازىلعان يزرايل قورعانىس ارمياسىنىڭ اقپاراتىندا.
يرانداعى نىساندارعا سوققى جاسالعانى تۋرالى اقپاراتتى ءيزرايلدىڭ رەسمي مەملەكەتتىك Kan تەلەراديوكومپانياسى دا راستادى.
يزرايل قورعانىس ارمياسىنىڭ وكىلى دانيەل حاگار دا يزرايل اۆياسياسى يرانداعى اسكەري نىساندارعا سوققى جاساعانىن مالىمدەپ، قاجەت بولعان جاعدايدا وسى وقيعالار تۋرالى حالىقتى حاباردار ەتۋگە ۋادە بەرىپ، ارنايى بەينەحابارلاما جاريالادى.
Sky News Arabia مالىمەتىنشە، يزرايل شابۋىلداعان يرانداعى ورىنداردىڭ ءبىرى بالليستيكالىق زىمىرانداردى ۇشىرۋعا ارنالعان اسكەري بازا بولدى.
CBS News ءيزرايلدىڭ يرانعا جاساعان شابۋىلى تەك اسكەري ماقساتتارمەن شەكتەلگەنىن، يادرولىق نەمەسە مۇناي نىساندارىنا تارالماعانىن حابارلادى.
Jerusalem Post گازەتىنىڭ مالىمەتىنشە، يزرايل يرانعا شابۋىل كەزىندە 100-دەن اسا ۇشاقتى جۇمىلدىرعان.
"يرانعا ەكى مىڭ شاقىرىم قاشىقتاعى شابۋىلعا 100-دەن اسا ۇشاق، سونىڭ ىشىندە ەڭ جاڭا F-35 جاسىرىن جويعىش ۇشاعى قاتىستى"، - دەپ جازىلعان حابارلامادا.
بۇعان دەيىن يراندىق ب ا ق تەگەرانداعى جارىلىستىڭ داۋىسى تۋرالى حابارلاعان بولاتىن.
ال يران ارمياسىنىڭ قولباسشىلىعى تەگەرانداعى شابۋىلداردىڭ كوپشىلىگى ءساتتى تويتارىلعانىن، بارلىق اۋە نىسانى اتىپ تۇسىرىلگەنىن مالىمدەدى.
