Izrail men Iran aýmaǵynan taǵy 144 qazaqstandyq elge jetkizildi. Bul týraly Syrtqy ister ministrligi málimdedi, dep habarlaidy Dalanews.kz.
Atap aitqanda, Izrailden 66 adam Egipet arqyly evakýatsiialanǵan. Al Irannan 78 azamat shyǵaryldy: olardyń 73-i Armeniia arqyly, ekeýi Ázerbaijan arqyly, úsheýi Túrikmenstan arqyly elge jetkizilgen.
"Iran men Izraildegi Qazaqstan diplomattary óz azamattaryna qajetti konsýldyq-quqyqtyq kómek kórsetý jumystaryn jalǵastyryp jatyr", — dep habarlady ministrlik.
QR Syrtqy ister ministrligi evakýatsiiaǵa qoldaý kórsetkeni úshin Izrail, Egipet pen Armeniia biligine, sondai-aq Iran, Ázerbaijan jáne Túrikmenstan diplomattaryna alǵys bildirdi.
Eske salaiyq, 13 maýsymǵa qaraǵan túni Izrail Iranǵa qarsy aýqymdy áýe operatsiiasyn bastady. Tegeran mańyndaǵy keminde alty áskeri nysanǵa soqqy jasaldy.
Taiaý Shyǵystaǵy jaǵdaidyń ushyǵýyna bailanysty Qazaqstannyń Tel-Avivtegi Elshiligi Izraildegi barlyq Qazaqstan azamattaryna Tyl qolbasshylyǵynyń nusqaýlaryn (https://www.oref.org.il/ru) saqtaýǵa, qaýipsizdik sharalaryn barynsha kúsheitýdi, saqtyq pen qyraǵylyq tanytýdy, sońǵy jańalyqtardy qadaǵalaýdy, sondai-aq Qazaqstan Elshiligimen bailanysta bolýdy suraidy.
Izraildegi Qazaqstan azamattary úshin jedel jeli telefon nómirleri:
Qazaqstannyń Izraildegi Elshiliginiń bailanys nómirleri:
+972 (3) 503 78 85 (kezekshi)
+972 53 635 19 83 (uialy telefon, WhatsApp)
+972 55 273 38 13 (uialy telefon, WhatsApp)
+7 700 111 31 96 (WhatsApp)
