يزرايل مەن يران اۋماعىنان تاعى 144 قازاقستاندىق ەلگە جەتكٸزٸلدٸ. بۇل تۋرالى سىرتقى ٸستەر مينيسترلٸگٸ مەلٸمدەدٸ, دەپ حابارلايدى Dalanews.kz.
اتاپ ايتقاندا, يزرايلدەن 66 ادام ەگيپەت ارقىلى ەۆاكۋاتسييالانعان. ال يراننان 78 ازامات شىعارىلدى: ولاردىڭ 73-ٸ ارمەنييا ارقىلى, ەكەۋٸ ەزەربايجان ارقىلى, ٷشەۋٸ تٷرٸكمەنستان ارقىلى ەلگە جەتكٸزٸلگەن.
"يران مەن يزرايلدەگٸ قازاقستان ديپلوماتتارى ٶز ازاماتتارىنا قاجەتتٸ كونسۋلدىق-قۇقىقتىق كٶمەك كٶرسەتۋ جۇمىستارىن جالعاستىرىپ جاتىر", — دەپ حابارلادى مينيسترلٸك.
قر سىرتقى ٸستەر مينيسترلٸگٸ ەۆاكۋاتسيياعا قولداۋ كٶرسەتكەنٸ ٷشٸن يزرايل, ەگيپەت پەن ارمەنييا بيلٸگٸنە, سونداي-اق يران, ەزەربايجان جەنە تٷرٸكمەنستان ديپلوماتتارىنا العىس بٸلدٸردٸ.
ەسكە سالايىق, 13 ماۋسىمعا قاراعان تٷنٸ يزرايل يرانعا قارسى اۋقىمدى ەۋە وپەراتسيياسىن باستادى. تەگەران ماڭىنداعى كەمٸندە التى ەسكەري نىسانعا سوققى جاسالدى.
تاياۋ شىعىستاعى جاعدايدىڭ ۇشىعۋىنا بايلانىستى قازاقستاننىڭ تەل-اۆيۆتەگٸ ەلشٸلٸگٸ يزرايلدەگٸ بارلىق قازاقستان ازاماتتارىنا تىل قولباسشىلىعىنىڭ نۇسقاۋلارىن (https://www.oref.org.il/ru) ساقتاۋعا, قاۋٸپسٸزدٸك شارالارىن بارىنشا كٷشەيتۋدٸ, ساقتىق پەن قىراعىلىق تانىتۋدى, سوڭعى جاڭالىقتاردى قاداعالاۋدى, سونداي-اق قازاقستان ەلشٸلٸگٸمەن بايلانىستا بولۋدى سۇرايدى.
يزرايلدەگٸ قازاقستان ازاماتتارى ٷشٸن جەدەل جەلٸ تەلەفون نٶمٸرلەرٸ:
قازاقستاننىڭ يزرايلدەگٸ ەلشٸلٸگٸنٸڭ بايلانىس نٶمٸرلەرٸ:
+972 (3) 503 78 85 (كەزەكشٸ)
+972 53 635 19 83 (ۇيالى تەلەفون, WhatsApp)
+972 55 273 38 13 (ۇيالى تەلەفون, WhatsApp)
+7 700 111 31 96 (WhatsApp)
