Málimdeme Al Jazeera telearnasy arqyly jasaldy.
"Qozǵalys delegatsiiasy araǵaiyn elder arqyly atysty doǵarý jáne tutqyndarmen almasý týraly kelisimge qozǵalystyń kelisimin beretinin jetkizdi", delingen habarlamada.
Kóp kútken jańalyqty Qatar premer-ministri Muhammed Ál Tani jariialaǵany da naqtylanady. Óitkeni Qatar - kelissózderge araǵaiyndyq etýshi memleket.
Qaqtyǵysýshy taraptardyń kelisimge kelgenin jáne HAMAS-tyń kepilge alynǵan adamdary bosatylatyndyǵyn AQSh-tyń jańadan sailanǵan prezidenti Donald Tramp ta málimdedi.
"Biz Taiaý Shyǵysta kepilge alynǵandar boiynsha kelisimge qol jetkizdik. Jaqynda olar bosatylady", - dep jazdy Tramp Truth Social áleýmettik jelisinde.
Sheteldik BAQ derek kózderi Gaza sektorynda atysty doǵarýǵa qatysty ózge mynandai málimettermen bólisti:
- Izrail áskeri kúshteri Gaza sektorynyń aýmaǵynan 700 metr qashyqtyqqa keri sheginedi.
- Izrail 2000-ǵa jýyq Palestina tutqynyn bosatady, onyń ishinde 250-i ómir boiyna bas bostandyǵynan aiyrylǵandar da bar.
- Palestina tarapy 33 izraildik tutqyndy bosatady.
- Izrail Gaza sektoryndaǵy jaralylarǵa meditsinalyq kómekke barýǵa ruqsat beredi.
- Izrail birinshi kezeń bastalǵannan keiin jeti kúnnen keiin Mysyr shekarasynda Rafah baqylaý beketin ashady.
- Izrail áskerleri Filadelfiia dálizi dep atalatyn Gaza men Mysyr shekarasynan áskerlerin alshaqtata bastaidy jáne keiinnen sol mańnan tolyǵymen áketedi.
Buǵan deiin asa iri kólemde aqsha jymqyrdy dep kúdikke ilingen qaiyrymdylyq qorynyń tóaraǵasy Perizat Qairat 2023 jyldyń qarasha aiynda Palestina turǵyndaryna gýmanitarlyq kómek kórsetý úshin de qarajat jinaýdy uiymdastyrǵanyn jazǵanbyz.
