مالىمدەمە Al Jazeera تەلەارناسى ارقىلى جاسالدى.
"قوزعالىس دەلەگاسياسى اراعايىن ەلدەر ارقىلى اتىستى دوعارۋ جانە تۇتقىندارمەن الماسۋ تۋرالى كەلىسىمگە قوزعالىستىڭ كەلىسىمىن بەرەتىنىن جەتكىزدى"، دەلىنگەن حابارلامادا.
كوپ كۇتكەن جاڭالىقتى قاتار پرەمەر-ءمينيسترى مۇحاممەد ءال تاني جاريالاعانى دا ناقتىلانادى. ويتكەنى قاتار - كەلىسسوزدەرگە اراعايىندىق ەتۋشى مەملەكەت.
قاقتىعىسۋشى تاراپتاردىڭ كەلىسىمگە كەلگەنىن جانە حاماس-تىڭ كەپىلگە الىنعان ادامدارى بوساتىلاتىندىعىن اقش-تىڭ جاڭادان سايلانعان پرەزيدەنتى دونالد ترامپ تا مالىمدەدى.
"ءبىز تاياۋ شىعىستا كەپىلگە الىنعاندار بويىنشا كەلىسىمگە قول جەتكىزدىك. جاقىندا ولار بوساتىلادى"، - دەپ جازدى ترامپ Truth Social الەۋمەتتىك جەلىسىندە.
شەتەلدىك ب ا ق دەرەك كوزدەرى گازا سەكتورىندا اتىستى دوعارۋعا قاتىستى وزگە مىنانداي مالىمەتتەرمەن ءبولىستى:
- يزرايل اسكەري كۇشتەرى گازا سەكتورىنىڭ اۋماعىنان 700 مەتر قاشىقتىققا كەرى شەگىنەدى.
- يزرايل 2000-عا جۋىق پالەستينا تۇتقىنىن بوساتادى، ونىڭ ىشىندە 250ء-ى ءومىر بويىنا باس بوستاندىعىنان ايىرىلعاندار دا بار.
- پالەستينا تاراپى 33 يزرايلدىك تۇتقىندى بوساتادى.
- يزرايل گازا سەكتورىنداعى جارالىلارعا مەديسينالىق كومەككە بارۋعا رۇقسات بەرەدى.
- يزرايل ءبىرىنشى كەزەڭ باستالعاننان كەيىن جەتى كۇننەن كەيىن مىسىر شەكاراسىندا رافاح باقىلاۋ بەكەتىن اشادى.
- يزرايل اسكەرلەرى فيلادەلفيا ءدالىزى دەپ اتالاتىن گازا مەن مىسىر شەكاراسىنان اسكەرلەرىن الشاقتاتا باستايدى جانە كەيىننەن سول ماڭنان تولىعىمەن اكەتەدى.
بۇعان دەيىن اسا ءىرى كولەمدە اقشا جىمقىردى دەپ كۇدىككە ىلىنگەن قايىرىمدىلىق قورىنىڭ ءتواراعاسى پەريزات قايرات 2023 جىلدىڭ قاراشا ايىندا پالەستينا تۇرعىندارىنا گۋمانيتارلىق كومەك كورسەتۋ ءۇشىن دە قاراجات جيناۋدى ۇيىمداستىرعانىن جازعانبىز.
