Ispaniia úkimeti amerikalyq kúshter Iranǵa qarsy soqqylarǵa qatysýy úshin óz áskeri bazalaryn paidalanýǵa ruqsat bermeitinin málimdedi, dep habarlaidy Dalanews.kz.
Ispaniianyń syrtqy ister ministri Hose Manýel Albares Izrail-Amerika operatsiiasy "birjaqty sipatqa" ie ekenin atap ótti. Onyń aitýynsha, "ispan áskeri bazalary AQSh-pen jasalǵan kelisimder men BUU jarǵysyna kirmeitin áreketter úshin paidalanylmaidy".
Jeksenbide keshke keminde 11 amerikalyq KC-135T jáne KC-135R janarmai quiý ushaǵy Madrid operatsiiaǵa kelispeitinin bildirgennen keiin Ispaniianyń Rota áskeri-teńiz bazasy men Moron áýe bazasy aýmaǵynan ushyp shyqqan.
Senbide AQSh pen Izrail Iranǵa qarsy birlesken operatsiia bastaǵan edi. Buǵan jaýap retinde Iran amerikalyq áskeri nysandarǵa, sonyń ishinde Bahrein, Qatar jáne Kýveittegi nysandarǵa soqqy jasady.
AQSh prezidenti Donald Tramp buǵan deiin Vashingtonnyń maqsaty Irannyń zymyran áleýetin joiý, áskeri-teńiz kúshterin álsiretý, Tegerannyń eshqashan iadrolyq qarýǵa ie bolýyna jol bermeý ekenin málimdegen edi.
