Islam damý banki Qazaqstannyń sý salasyna 1,15 mlrd dollar investitsiia salady. Taraptar Bakýde ótip jatqan BUU-nyń Klimattyń ózgerýi jónindegi konferentsiiasynda (COP29) tiisti kelisimge qol qoidy, dep habarlaidy Dalanews.kz.
Premer-ministrdiń orynbasary – ulttyq ekonomika ministri Nurlan Baibazarov bul Islam damý bankiniń tarihyndaǵy qarjylandyrǵan eń kólemdi jobasy ekenin atap ótti.
Sonymen qatar Islam damý banki (IDB) Qazaqstannyń sý salasyn damytýǵa $3,5 mln kóleminde óteýsiz grant bóldi.
Sondai-aq IDB Sý resýrstary jáne irrigatsiia ministrligi ázirlegen "Klimat ózgerisine tózimdi sý resýrstaryn damytý" jobasyn iske asyrýǵa qatysady. Buǵan deiin taraptar Jobanyń birinshi kezeńi boiynsha kelissózder hattamasyna qol qoiǵan bolatyn.
Qarjylandyrylatyn jobanyń birinshi kezeńi Astana sý qoimasyn tolyqtyrý jónindegi jobany qosa alǵanda, 4 jańa sý qoimasyn salýdy jáne jumys istep turǵan 4 sý qoimasyn rekonstrýktsiialaýdy, 115 kanaldy rekonstrýktsiialaýdy jáne kúrdeli jóndeýdi qarastyrady. Qurylys jumystary Aqmola, Almaty, Jambyl, Qyzylorda, Túrkistan, Batys Qazaqstan, Jetisý oblystarynda jáne Astana qalasynda júrgiziledi.
Budan basqa, joba IDB men Ministrlik arasyndaǵy Qazaq Sý sharýashylyǵy ǵylymi-zertteý institýtynyń Sý jáne ózen basseinderiniń máselelerin zerdeleýdegi tehnikalyq yntymaqtastyqty, sondai-aq sý resýrstarynyń aqparattyq-taldaý ortalyǵy úshin erte den qoiý júielerin engizýdi baǵalaýdy kózdeidi.
Onyń ishinde «Qazsýshar» respýblikalyq memlekettik kásipornyn tehnikalyq jaraqtandyrý jáne sý resýrstaryn basqarýdy jetildirý úshin avtomattandyrý ortalyǵyn salý josparlanýda.
Memleket basshysy sý salasyna investitsiia tartýdyń mańyzdylyǵyn birneshe ret atap kórsetti. Bizdiń aldymyzda sý infraqurylymyn jańǵyrtý jáne bolyp jatqan klimattyq ózgeristerge beiimdeý mindeti tur. Islam damý banki siiaqty bedeldi institýttyń qarjylandyrýy elimizge degen joǵary senimdi, júrgizilip jatqan investitsiialyq saiasat pen áleýmettik-ekonomikalyq reformalardy kýálandyrady, - dep atap ótti Nurlan Baibazarov.
