OPEC Halyqaralyq damý qorynyń damý forýmynda Qazaqstan Respýblikasy Premer-Ministriniń orynbasary – Ulttyq ekonomika ministri Nurlan Baibazarov Arab koordinatsiialyq tobyna kiretin islamdyq damý institýttarymen birneshe ekijaqty kezdesýler ótkizdi. Sondai-aq, Qazaqstan Respýblikasy Úkimeti men Islam damý banki arasyndaǵy Negizdemelik baǵdarlamalyq kelisimge qol qoiyldy.
Kelisim aǵymdaǵy jyly sý sharýashylyǵy jáne kólik salalaryndaǵy infraqurylymdyq jobalardy júzege asyrý úshin uzaq merzimdi investitsiialar tartý týraly buryn qol jetkizilgen kelisimderdi bekitti. Osy maqsatta Islam damý banki 2 milliard AQSh dollaryna deiin qarjy bóledi.
Sý sharýashylyǵy jáne irrigatsiia ministrligi biyl qarjylandyrýǵa daiyn 16 jobany daiyndady. Olardyń ishinde sý qoimalaryn, bógetterdi, irrigatsiialyq kanaldardy, kontrretteýshilerdi jáne ilespe infraqurylymdy salý jáne qaita qurý jobalary bar. Kólik ministrligi respýblikalyq mańyzy bar avtojoldardy uzyndyǵy 500 km-den astam qaita qurý jáne salý boiynsha 4 jobany usyndy.
Kelisim tabysty iske asyrý jáne qoiylǵan maqsattarǵa qol jetkizý úshin birlesken jobalardyń oryndalýyn turaqty konsýltatsiialar jáne monitoring arqyly qamtamasyz etýdi qarastyrady.
