OPEC حالىقارالىق دامۋ قورىنىڭ دامۋ فورۋمىندا قازاقستان رەسپۋبليكاسى پرەمەر-مينيسترىنىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ اراب كوورديناسيالىق توبىنا كىرەتىن يسلامدىق دامۋ ينستيتۋتتارىمەن بىرنەشە ەكىجاقتى كەزدەسۋلەر وتكىزدى. سونداي-اق، قازاقستان رەسپۋبليكاسى ۇكىمەتى مەن يسلام دامۋ بانكى اراسىنداعى نەگىزدەمەلىك باعدارلامالىق كەلىسىمگە قول قويىلدى.
كەلىسىم اعىمداعى جىلى سۋ شارۋاشىلىعى جانە كولىك سالالارىنداعى ينفراقۇرىلىمدىق جوبالاردى جۇزەگە اسىرۋ ءۇشىن ۇزاق مەرزىمدى ينۆەستيسيالار تارتۋ تۋرالى بۇرىن قول جەتكىزىلگەن كەلىسىمدەردى بەكىتتى. وسى ماقساتتا يسلام دامۋ بانكى 2 ميلليارد اقش دوللارىنا دەيىن قارجى بولەدى.
سۋ شارۋاشىلىعى جانە يرريگاسيا مينيسترلىگى بيىل قارجىلاندىرۋعا دايىن 16 جوبانى دايىندادى. ولاردىڭ ىشىندە سۋ قويمالارىن، بوگەتتەردى، يرريگاسيالىق كانالداردى، كونتررەتتەۋشىلەردى جانە ىلەسپە ينفراقۇرىلىمدى سالۋ جانە قايتا قۇرۋ جوبالارى بار. كولىك مينيسترلىگى رەسپۋبليكالىق ماڭىزى بار اۆتوجولداردى ۇزىندىعى 500 كم-دەن استام قايتا قۇرۋ جانە سالۋ بويىنشا 4 جوبانى ۇسىندى.
كەلىسىم تابىستى ىسكە اسىرۋ جانە قويىلعان ماقساتتارعا قول جەتكىزۋ ءۇشىن بىرلەسكەن جوبالاردىڭ ورىندالۋىن تۇراقتى كونسۋلتاسيالار جانە مونيتورينگ ارقىلى قامتاماسىز ەتۋدى قاراستىرادى.
