"Keshegi kezdesýde Dýlat Isabek aǵam: «Sheteldegi qandastardyń básekege qabilettilerin ákeleiik», – degen sarynda aitqan áńgimesi «sasqan úirektiń» sózi me, álde, shynymen solai oilai ma?
Bul sózden kelip shyǵar maǵyna – «shetelde júrgen 5 million Qazaqtyń oqyǵan, eńbekke jaramdylaryn ǵana Elge ákeleiik, qalǵan shal-shaýqan, kempir-keshekter, oqymaǵan, bálen balasy bar, biraq qarajaty joq dármensiz jurt sonda qala bersin» degenge saiady.
ULT uǵymyn barsha Qazaq quramaýshy ma edi?
Qartaiǵan ata-anasyn, aýyldaǵy oqymaǵan aǵa-inisin tastap, sopaiyp jalǵyzdan-jalǵyz kelip, kim opa tappaq munda?
Kózime kúlli jurtqa dańqy ketken abyz jazýshydan góri, taiǵa minýge ǵana shamasy keletin on jasar bala elestep ketti..." dedi jýrnalist.
