Farmatsevtika salasynda básekelesteriniń aldyn orap úlgergen kompaniia 54 túrli dári-dármek shyǵarady. Sapaly ónimder eýropa naryǵyna jóneltilýde. Investor arasyndaǵy negizgi dánekershi – «Source Energy» kompaniiasy.
Búgingi kúni qyzmetkerlerdiń 30 paiyzy doktorlyq, magistratýra jáne farmakologiia salasyndaǵy mamandar bolyp tabylady. Olar ǵylymi-zertteý, damytý jáne sapany baqylaýmen ainalysady. Niak farmatsevtikalyq kompaniiasy sońǵy GMP standarttaryna sáikes №2 zaýytty damytýdy josparlap otyr.
– Men Sizderdiń bul bastamalaryńyzdy tolyq qoldaimyn. Mańyzdy qadam jasalyp jatqandyǵy anyq. Sondyqtan jumysqa esh alańsyz kirisýlerińizge bolady. Sizder úshin indýstriialdyq aimaqty daiyndaimyz. Eýropalyq odaqtyń naryǵyna shyǵýdyń da tiimdi tustaryn atap ketýge bolady. Qazaqstan, Resei, Belarýsiia, Qyrǵyzstan jáne Armeniiaǵa óndirilgen dárilerdi esh kedergisiz jetkizesizder. Bul shamamen 200 mln halyqqa jol tartady degen sóz. Ekonomikalyq aimaq retinde ózimizde de jeńildikter qarastyrylǵan. Keden beketterinen qiyndyqtar bolmaidy. Sondyqtan belsendi túrde bilek túre iske kirisýge shaqyramyn. Biýrokratiia bolmas úshin men ózim qadaǵalaimyn, – dedi J.Túimebaev.
Óz kezeginde, Iran investorlary aimaq basshysyna rizashylyǵyn bildirdi. Kezdesýde eki jaqty memarandýmǵa qol qoiyldy. Mártebeli meimandar Túrkistanmen saýda-ekonomikalyq bailanystarynyń odan ári nyǵaiýyna nietti ekenin jetkizdi.
Túrkistan oblysy ákiminiń baspasóz qyzmeti
