AQSh-tyń CBS News arnasynyń habarlaýynsha, Iranda ótip jatqan jappai narazylyqtar barysynda keminde 12 myń adam qaza tapqan, al qurbandar sany 20 myńǵa deiin jetýi múmkin, dep habarlaidy Dalanews.kz.
The New York Times basylymynyń dereginshe, eldiń keibir óńirlerinde Iran Islam revoliýtsiiasy saqshylar korpýsy (KSIR) jaýyngerlik qarý qoldanǵan. Saldarynan qaza tapqandar sany kóbeiip, máiithanalar lyq tolǵan. Al marqumdardyń jaqyndary olardy taný úshin kezek kútýge májbúr.
Alaida IIRS basshylyǵy qaza tapqandardy narazylyqqa qatysýshylar emes, "terrorister" dep sipattady.
Osy arada halyqaralyq deńgeide jaǵdai ýshyǵa túsýi múmkin degen qaýip bar. Aqparat kózderiniń málimetinshe, Pentagon AQSh prezidenti Donald Trampqa Iranǵa soqqy berýdiń buryn aitylǵannan da keń aýqymdy nusqalaryn usynyp jatyr. Áleýetti nysandardyń qatarynda eldiń iadrolyq baǵdarlamasy da bar.
Sarapshylar bul jaǵdaidyń aimaqtyq jáne jahandyq qaýipsizdikke yqpaly zor bolýy múmkin ekenin eskertedi.
