اقش-تىڭ CBS News ارناسىنىڭ حابارلاۋىنشا، يراندا ءوتىپ جاتقان جاپپاي نارازىلىقتار بارىسىندا كەمىندە 12 مىڭ ادام قازا تاپقان، ال قۇرباندار سانى 20 مىڭعا دەيىن جەتۋى مۇمكىن، دەپ حابارلايدى Dalanews.kz.

The New York Times باسىلىمىنىڭ دەرەگىنشە، ەلدىڭ كەيبىر وڭىرلەرىندە يران يسلام ريەۆوليۋسياسى ساقشىلار كورپۋسى (كسير) جاۋىنگەرلىك قارۋ قولدانعان. سالدارىنان قازا تاپقاندار سانى كوبەيىپ، ءمايىتحانالار لىق تولعان. ال مارقۇمداردىڭ جاقىندارى ولاردى تانۋ ءۇشىن كەزەك كۇتۋگە ءماجبۇر.

الايدا ييرس باسشىلىعى قازا تاپقانداردى نارازىلىققا قاتىسۋشىلار ەمەس، "تەرروريستەر" دەپ سيپاتتادى.

وسى ارادا حالىقارالىق دەڭگەيدە جاعداي ۋشىعا ءتۇسۋى مۇمكىن دەگەن ءقاۋىپ بار. اقپارات كوزدەرىنىڭ مالىمەتىنشە، پەنتاگون اقش پرەزيدەنتى دونالد ترامپقا يرانعا سوققى بەرۋدىڭ بۇرىن ايتىلعاننان دا كەڭ اۋقىمدى نۇسقالارىن ۇسىنىپ جاتىر. الەۋەتتى نىسانداردىڭ قاتارىندا ەلدىڭ يادرولىق باعدارلاماسى دا بار.

ساراپشىلار بۇل جاعدايدىڭ ايماقتىق جانە جاھاندىق قاۋىپسىزدىككە ىقپالى زور بولۋى مۇمكىن ەكەنىن ەسكەرتەدى.