Qazaqstandaǵy Irannyń tótenshe jáne ókiletti elshisi Áli Akbar Djoýkar Iran tarapynan Qazaqstanǵa eshqandai qaýip joq ekenin málimdedi, dep habarlaidy Dalanews.kz.
Jýrnalistermen áńgime barysynda diplomat Tegeran Qazaqstandy jáne Ortalyq Aziia elderin yqtimal nysana retinde qarastyrmaitynyn aitty.
"Iran tarapynan Qazaqstanǵa nemese Ortalyq Aziia memleketterine eshqandai qaýip joq. Biz bul elderdi yqtimal nysana retinde qarastyrmaimyz, sonyń ishinde zymyrandyq qaýip te joq", – dedi elshi.
Djoýkardyń aitýynsha, óńir úshin teoriialyq qaýip tek Irannyń óz ishinde turaqsyzdyq paida bolǵan jaǵdaida ǵana týyndaýy múmkin.
Ol mundai jaǵdaida Taiaý Shyǵystaǵy terroristik toptardyń aimaqqa ótip ketý qaýpi bolýy yqtimal ekenin aitty.
"Eger Iran ishinde turaqsyzdyq oryn alsa, Taiaý Shyǵystan terroristik toptardyń taralý qaýpi paida bolýy múmkin. Biraq eldegi turaqtylyq saqtalǵan jaǵdaida mundai qaýip bolmaidy", – dedi diplomat.
