Izrail úkimeti Iranmen arada bolǵan eki aptaǵa jýyq tikelei áskeri qaqtyǵystan keiin AQSh prezidenti Donald Tramptyń atysty doǵarý týraly usynysyna óz kelisimderin bergenin resmi túrde rastady. Iran memlekettik telearnasy da atysty doǵarý rejimi bastalǵanyn málimdedi, dep habarlaidy Dalanews.kz.
Izrail biliginiń málimdemesinde operatsiianyń maqsattaryna qol jetkizildi, Izrail AQSh-qa qorǵanys salasynda kórsetken qoldaýy jáne "Irannyń iadrolyq qaýpin joiýǵa" atsalysqany úshin alǵys bildirgeni aitylady, dep habarlaidy Times of Israel.
Izrail negizgi eki, iaǵni iadrolyq jáne zymyrandyq qaýipti joiǵanyn málimdedi.
Eger atysty doǵarý rejimi buzylsa, Izrail qarap qalmaityndyǵy da naqtylandy.
Al Irannyń Izrailge qarsy áskeri is-qimyly toqtatylǵanyn seisenbide, tańǵy 4-00-de Iran SIM basshysy Abbas Arakchi jetkizdi.
"Bizdiń qýatty qarýly kúshterimizdiń agressiia tanytqany úshin Izraildi jazalaý jónindegi áskeri operatsiiasy sońǵy minýtqa, tańǵy -ke deiin jalǵasty", - dep jazdy Arakchi H áleýmettik jelisinde.
Arakchi de Tegeran tarapynan alda arandatýshylyq týyndaǵan jaǵdaida Vashingtonǵa qaita jaýap berýge daiyn ekenin aitty. Sondai-aq óz elin "qanynyń sońǵy tamshysy, sońǵy demi qalǵansha" jaý shabýyldaryna toitarys berýge árdaiym ázir Iran áskerine alǵys bildirdi.
Aita ketsek, buǵan deiin AQSh prezidenti Iran men Izrail arasynda atys toqtatylatynyn, sondai tamasha kelisimge qol jetkizilgenin habarlap, barshadan súiinshi suraǵan bolatyn.
"Barlyqtaryńyzdy quttyqtaimyn! Izrail men Iran arasynda atysty toqtatý týraly tolyqtai kelisimge qol jetkizildi (shamamen 6 saǵattan keiin, eki taraptyń sońǵy operatsiialary aiaqtalǵannan keiin) 12 saǵat saǵattan keiin soǵys aiaqtaldy dep sanalady!", dep jazdy ol jelide.
Onyń aitýynsha, resmi túrde atysty aldymen Iran doǵarady, al 12 saǵattan keiin oǵan Izrail qosylady.
"24 saǵattan keiin 12 kúndik soǵystyń resmi aiaqtalýyn búkil álem atap ótedi. Atysty toqtatýdyń ár fazasynda ekinshi tarap beibitshilik pen syilastyqty saqtaýǵa mindet alady. Bári oidaǵydai ótedi dep oilaimyn (jáne solai bolady da)", - dep atap ótti Tramp.
Ol Izrail men Iranǵa arasyndaǵy qaqtyǵysty "12 kúndik soǵys" dep ataýǵa bolatyn aitty.
"Munyń búkil Taiaý Shyǵysty qirandyǵa ainaldyratyn uzaq jyldarǵy soǵysqa ulasýy múmkin edi. Biraq olai bolmady jáne onyń beti aryn qylsyn!"- dedi Aq úidiń basshysy.
