Resei Prezidenti Vladimir Pýtin dúniejúziniń jetekshi aqparat agenttikteri basshylarymen kezdesý barysynda Iran men Izrail arasyndaǵy janjaldy barlyq taraptyń múddesin eskere otyryp kelissóz arqyly sheshken jón bolar edi degen pikirin bildirdi, dep habarlaidy Dalanews.kz Kazinform agenttigine silteme jasap.
Onyń aitýynsha, kelisim Irannyń beibit atomǵa – tek energetikada ǵana emes, tolyq quqyly bolýyn jáne Izraildiń sózsiz qaýipsizdigin qamtamasyz etý quqyǵyn qamtýy kerek.
"Jalpy alǵanda, mundai sheshim tabýǵa bolady. Biz eshkimge eshteńe tyqpalamaimyz, tek jaǵdaidan shyǵýǵa qatysty óz kózqarasymyzdy usynamyz. Biraq túpkilikti sheshimdi Iran men Izraildiń saiasi basshylyǵy qabyldaidy", — dedi Vladimir Pýtin.
Aita ketsek,Kremldiń baspasóz qyzmeti RF prezidenti Vladimir Pýtin Birikken Arab Ámirlikteriniń prezidenti Muhammed ben Zaid Ál Nahaianmen telefon arqyly sóilesip, Iran men Izrail arasyndaǵy qaqtyǵysty talqylaǵanyn habarlady. Resmi habarlamada Pýtin Reseidiń taraptar arasyndaǵy dialogty ilgeriletý úshin araǵaiyndyq jasaýǵa ázir ekeni jáne osyǵan bailanysty birqatar sheteldik kóshbasshymen bailanysqa shyqqany týraly aitylǵan.
