Izrail biligi Livannyń ońtústigindegi eki pilottyq aimaqtan áskerin shyǵarý merzimin keiinge shegerý týraly sheshim qabyldady. Bul týraly Izraildiń KAN memlekettik telearnasyna silteme jasap, sheteldik BAQ habarlady, dep habarlaidy dalanews.kz.
Málimetke sáikes, ótken aptanyń sońynda ótken Livan men Izrail arasyndaǵy kelissózderdiń qorytyndysy boiynsha taraptar áskerdi shyǵarý merzimin keiinirek ýaqytqa aýystyrýǵa kelisken. Osylaisha, Izrail áskeri Livannyń ońtústigindegi Zavtar jáne Farrýn aýdandarynan ázirge shyǵarylmaidy.
Sebebi nede?
Izrail bul sheshimdi atysty toqtatý rejiminiń saqtalýyn baqylaityn birlesken baqylaý tetigi qurylmaiynsha áskerdi shyǵarýǵa bolmaitynymen túsindirdi. Atalǵan mehanizm AQSh-tyń qatysýymen Livan jáne Izrail arasynda kelisilip jasalýy tiis.
Ázirge áskerdiń naqty qashan shyǵarylatyny belgisiz. Izrail tarapy Livan armiiasy óńirdegi qaýipsizdikti tolyq óz baqylaýyna alyp, «Hezbolla» qozǵalysynyń áreketterine tosqaýyl qoiý sharalaryn qabyldaǵannan keiin ǵana áskerdi shyǵarý bastalatynyn málimdep otyr.
