Jýyrda Ulttyq bank nesielerdiń jyldyq tiimdi syiaqy mólsherlemeleri kólemine aitarlyqtai qysqartý júrgizgeni belgili. Osylaisha jańasha bekitilgen mólsherlemeler 2025 jyldyń 16 maýsymynan bastap qoldanysqa engizilgen. Alaida osy jańa norma qoldanysy merzimin Ulttyq Bank pen QR Qarjy naryǵyn retteý jáne damytý agenttigi birlese qabyldaǵan qaýlysymen kerige shegerildi, naqtyraq aitqanda 2025 jyldyń 1 qarashasyna deiin, dep habarlaidy Dalanews.kz.
Aita ketsek, 16 maýsymda qoldanysqa engizilgen jańa normaǵa sáikes, nesielerdiń jyldyq tiimdi syiaqy mólsherlemeleri bylaisha qysqarǵan:
- kepilsiz bank zaemy 46 paiyzǵa deiin,
- kepili bar bank zaemy 35 paiyzǵa deiin,
- ipotekalyq turǵyn úi zaemy 20 paiyzǵa deiin,
- shaǵyn nesie (barlyq merzimge) 46 paiyzǵa deiin,
- 45 kúnge jáne 45 AEK-ke deiin beriletin shaǵyn nesie kúnine 0,3%-ǵa deiin, jylyna 179%-ǵa deiin dep ózgertilgen.
Negizinen, sarapshylar bul norma bankterdiń oń jambasyna kelmeitinin aityp, "buryn taýyp kelgen paidany endi bankter tutynýshylarǵa "iletin" boldy, kelisimsharttar qaita qarastyryla bastaidy" dep dabyl qaqqan. Tipti, turǵyn úi naryǵynda turalaý oryn alýy da boljanǵan. Rasynda, atalǵan norma qoldanysqa engizile salysymen, birneshe bank ipotekalyq nesie berýdi ýaqytsha toqtatty. Olar kelisimsharttardy qaita qarap, tehnikalyq jumystar júrgizilip jatqanyn jariialady.
Osy protsedýralarǵa ýaqyt berý úshin de atalǵan jańa normanyń qoldanysqa engizý merzimi keiinge shegerildi. Kúni keshe Ulttyq Bank pen QR Qarjy naryǵyn retteý jáne damytý agenttigi birlese qabyldaǵan qaýlyda jańa norma 2025 jylǵy 1 qarashaǵa deiin toqtatyla tursyn delinedi. Al toqtatyla turý kezeńinde nesieniń jyldyq tiimdi syiaqy mólsherlemeleri ipotekaǵa qatystysy burynǵy qalpynda qaldyryldy. Atap aitqanda:
- kepilsiz bank qaryzdary boiynsha 46 (qyryq alty) paiyz;
- kepilmen qamtamasyz etilgen bank qaryzdary boiynsha 35 (otyz bes) paiyz; ipotekalyq turǵyn úi qaryzdary boiynsha 25 (jiyrma bes) paiyz;
- mikroqarjylyq qyzmetti júzege asyratyn uiymdar beretin mikrokreditter boiynsha – 46 (qyryq alty) paiyz;
- mikroqarjylyq qyzmetti júzege asyratyn uiymdar kúntizbelik qyryq bes kúnge deiingi merzimge, respýblikalyq biýdjet týraly zańda tiisti qarjy jylyna belgilengen ailyq eseptik kórsetkishtiń qyryq bes eselengen mólsherinen aspaityn mólsherde beretin mikrokreditter boiynsha kúnine 0,3 (nól bútin onnan úsh) paiyzdan az, biraq 179 (bir júz jetpis toǵyz) paiyzdan aspaityn mólsherde bolyp aiqyndalsyn, delinedi qujatta.
Buǵan deiin saitymyzda "Bankterdiń ipotekalyq nesie berýdi doǵaratyny ras pa - sarapshy pikiri" degen maqala jariialanǵan bolatyn.
