جۋىردا ۇلتتىق بانك نەسيەلەردٸڭ جىلدىق تيٸمدٸ سىياقى مٶلشەرلەمەلەرٸ كٶلەمٸنە ايتارلىقتاي قىسقارتۋ جٷرگٸزگەنٸ بەلگٸلٸ. وسىلايشا جاڭاشا بەكٸتٸلگەن مٶلشەرلەمەلەر 2025 جىلدىڭ 16 ماۋسىمىنان باستاپ قولدانىسقا ەنگٸزٸلگەن. الايدا وسى جاڭا نورما قولدانىسى مەرزٸمٸن ۇلتتىق بانك پەن قر قارجى نارىعىن رەتتەۋ جەنە دامىتۋ اگەنتتٸگٸ بٸرلەسە قابىلداعان قاۋلىسىمەن كەرٸگە شەگەرٸلدٸ, ناقتىراق ايتقاندا 2025 جىلدىڭ 1 قاراشاسىنا دەيٸن, دەپ حابارلايدى Dalanews.kz.
ايتا كەتسەك, 16 ماۋسىمدا قولدانىسقا ەنگٸزٸلگەن جاڭا نورماعا سەيكەس, نەسيەلەردٸڭ جىلدىق تيٸمدٸ سىياقى مٶلشەرلەمەلەرٸ بىلايشا قىسقارعان:
- كەپٸلسٸز بانك زاەمى 46 پايىزعا دەيٸن,
- كەپٸلٸ بار بانك زاەمى 35 پايىزعا دەيٸن,
- يپوتەكالىق تۇرعىن ٷي زاەمى 20 پايىزعا دەيٸن,
- شاعىن نەسيە (بارلىق مەرزٸمگە) 46 پايىزعا دەيٸن,
- 45 كٷنگە جەنە 45 اەك-كە دەيٸن بەرٸلەتٸن شاعىن نەسيە كٷنٸنە 0,3%-عا دەيٸن, جىلىنا 179%-عا دەيٸن دەپ ٶزگەرتٸلگەن.
نەگٸزٸنەن, ساراپشىلار بۇل نورما بانكتەردٸڭ وڭ جامباسىنا كەلمەيتٸنٸن ايتىپ, "بۇرىن تاۋىپ كەلگەن پايدانى ەندٸ بانكتەر تۇتىنۋشىلارعا "ٸلەتٸن" بولدى, كەلٸسٸمشارتتار قايتا قاراستىرىلا باستايدى" دەپ دابىل قاققان. تٸپتٸ, تۇرعىن ٷي نارىعىندا تۇرالاۋ ورىن الۋى دا بولجانعان. راسىندا, اتالعان نورما قولدانىسقا ەنگٸزٸلە سالىسىمەن, بٸرنەشە بانك يپوتەكالىق نەسيە بەرۋدٸ ۋاقىتشا توقتاتتى. ولار كەلٸسٸمشارتتاردى قايتا قاراپ, تەحنيكالىق جۇمىستار جٷرگٸزٸلٸپ جاتقانىن جارييالادى.
وسى پروتسەدۋرالارعا ۋاقىت بەرۋ ٷشٸن دە اتالعان جاڭا نورمانىڭ قولدانىسقا ەنگٸزۋ مەرزٸمٸ كەيٸنگە شەگەرٸلدٸ. كٷنٸ كەشە ۇلتتىق بانك پەن قر قارجى نارىعىن رەتتەۋ جەنە دامىتۋ اگەنتتٸگٸ بٸرلەسە قابىلداعان قاۋلىدا جاڭا نورما 2025 جىلعى 1 قاراشاعا دەيٸن توقتاتىلا تۇرسىن دەلٸنەدٸ. ال توقتاتىلا تۇرۋ كەزەڭٸندە نەسيەنٸڭ جىلدىق تيٸمدٸ سىياقى مٶلشەرلەمەلەرٸ يپوتەكاعا قاتىستىسى بۇرىنعى قالپىندا قالدىرىلدى. اتاپ ايتقاندا:
- كەپٸلسٸز بانك قارىزدارى بويىنشا 46 (قىرىق التى) پايىز;
- كەپٸلمەن قامتاماسىز ەتٸلگەن بانك قارىزدارى بويىنشا 35 (وتىز بەس) پايىز; يپوتەكالىق تۇرعىن ٷي قارىزدارى بويىنشا 25 (جيىرما بەس) پايىز;
- ميكروقارجىلىق قىزمەتتٸ جٷزەگە اسىراتىن ۇيىمدار بەرەتٸن ميكروكرەديتتەر بويىنشا – 46 (قىرىق التى) پايىز;
- ميكروقارجىلىق قىزمەتتٸ جٷزەگە اسىراتىن ۇيىمدار كٷنتٸزبەلٸك قىرىق بەس كٷنگە دەيٸنگٸ مەرزٸمگە, رەسپۋبليكالىق بيۋدجەت تۋرالى زاڭدا تيٸستٸ قارجى جىلىنا بەلگٸلەنگەن ايلىق ەسەپتٸك كٶرسەتكٸشتٸڭ قىرىق بەس ەسەلەنگەن مٶلشەرٸنەن اسپايتىن مٶلشەردە بەرەتٸن ميكروكرەديتتەر بويىنشا كٷنٸنە 0,3 (نٶل بٷتٸن وننان ٷش) پايىزدان از, بٸراق 179 (بٸر جٷز جەتپٸس توعىز) پايىزدان اسپايتىن مٶلشەردە بولىپ ايقىندالسىن, دەلٸنەدٸ قۇجاتتا.
بۇعان دەيٸن سايتىمىزدا "بانكتەردٸڭ يپوتەكالىق نەسيە بەرۋدٸ دوعاراتىنى راس پا - ساراپشى پٸكٸرٸ" دەگەن ماقالا جارييالانعان بولاتىن.
