Taiaýda Ustazdardyń tamyz konferentsiiasy aiasynda «Arnaiy jáne inkliýzivti bilim berýdi damytýdyń Ulttyq ǵylymi-praktikalyq ortalyǵy» RMM uiymdastyrýymen «Kedergisiz bilim berý: sapa men qoljetimdilik» respýblikalyq paneldik sektsiiasy ótti.
Is-sharaǵa QR Oqý-aǵartý ministrliginiń ókilderi, óńirlik bilim basqarmalary men ádistemelik ortalyqtardyń qyzmetkerleri, arnaiy bilim berý uiymdarynyń basshylary men pedagogteri, sondai-aq úkimettik emes uiymdardyń ókilderi qatysty.
Sektsiiada Qazaqstandaǵy arnaiy jáne inkliýzivti bilim berý salasyndaǵy ózekti máseleler, aimaqtyq tájiribe jáne innovatsiialyq sheshimder talqylandy. Spikerler memlekettik saiasatty júzege asyrý sharalary, mektep oqýshylarynyń kásibi baǵdarlanýy men inkliýzivtilik, barlyq balalarǵa teń qoljetimdi bilim berýdi qamtamasyz etetin kómekshi tehnologiialar, «Pioner+» inkliýzivti sheshimderiniń ekojúiesi, áleýmettik qoldaý men ońaltý qyzmetteri, arnaiy mektepterdi jabdyqtaý, múmkindigi shekteýli balalarǵa kórsetiletin kómek, óńirlik kásiptik baǵdarlaý tájiribesi jáne «Meniń bolashaq mamandyǵym» baǵdarlamasy boiynsha baiandamalar jasady.
Paneldik sektsiia barysynda Arnaiy jáne inkliýzivti bilim berýdi damytýdyń Ulttyq ǵylymi-praktikalyq ortalyǵynyń direktory Laýra Býtabaeva «Inkliýzivti jáne arnaiy bilim berý salasyndaǵy memlekettik saiasatty júzege asyrý sharalary» taqyrybynda baiandama jasap, Qazaqstandaǵy inkliýzivti bilim berýdiń mańyzdylyǵy men memlekettik saiasattyń basym baǵyttaryn atap ótti.
«Erekshe bilim berý qajettiligi bar balalardy arnaiy psihologiialyq-pedagogikalyq qoldaýmen qamtýdyń bir tetigi – arnaiy bilim berý uiymdar jelisin keńeitý. Bilim berý uiymdarynda barlyq balalarǵa teń múmkindik jasaý maqsatynda arnaiy jaǵdailar jasalyp, turaqty monitoring júrgiziledi. Qazirgi tańda mektepke deiingi uiymdardyń 73 %-ynda, mektepterdiń 91 %-ynda, kolledjderdiń 85 %-inde inkliýziialyq bilim berý jaǵdailary qamtamasyz etilgen», – dedi ortalyq basshysy.
Aita ketý kerek, Arnaiy jáne inkliýzivti bilim berýdi damytýdyń Ulttyq ǵylymi-praktikalyq ortalyǵy erekshe bilim berýdi qajet etetin balalarmen jumys isteitin mamandardyń biliktiligin arttyrýda jetekshi mekeme bolyp tabylady. Ortalyq túrli qajettilikter men bilim berý deńgeilerin eskere otyryp, arnaiy bilim berý mazmunyn qamtityn 83 oqýlyq pen oqý-ádistemelik keshen daiyndady. Sonymen qatar, pedagogterge arnalǵan inkliýzivti ortada oqytý, túzetý jumystary, saralap oqytý tásilderi jáne erekshe qajettilikteri bar balalarmen jeke jumys júrgizý boiynsha 15 ádistemelik usynym ázirlendi. Arnaiy jáne inkliýzivti bilim berý uiymdary úshin jańartylǵan bilim berý mazmunyna sáikes beiimdelgen 67 tiptik oqý baǵdarlamasy jasaldy.
Is-shara barysynda «E-ymdaý» mobildi qosymshasynyń tanystyrylymy men ádistemelik kórme ótkizildi, sondai-aq inkliýzivti jáne arnaiy bilim berý týraly beinerolik kórsetildi.
Sektsiia qorytyndysynda qatysýshylar pikir almasyp, arnaiy jáne inkliýzivti bilim berýdiń sapasy men qoljetimdiligin arttyrýǵa baǵyttalǵan usynystar aitty. Paneldik sektsiia óz jumysyn nátijeli aiaqtady.
