Ulttyq bank tóraǵasy Timýr Súleimenov infliatsiiany 5% deńgeiine túsirý – Ulttyq bank pen Úkimettiń negizgi ortaq maqsaty ekenin rastady. Ol bul týraly Taldau Talks podkastynda aitty, dep habarlaidy Dalanews.kz.
«Infliatsiiany 5% deńgeiine túsirý – Prezident bekitken maqsat. Biz oǵan jetýimiz kerek, óitkeni bul ekonomikanyń turaqty damýyna, infliatsiianyń tómen bolýyna, investitsiia men áleýmettik jaǵdaidyń jaqsarýyna múmkindik beredi».
Onyń aitýynsha, Qazaqstan ekonomikasynda «qyzyp ketý» belgileri baiqalady. Iaǵni ekonomika óz múmkindiginen jyldam ósip jatyr. Buǵan biýdjetten kóp qarjy jumsalýy jáne halyqtyń nesie kóp alýy áser etip otyr.
«Biz JIÓ men áleýetti JIÓ-ni esepteimiz. Sol kezde ekonomika shynaiy múmkindiginen joǵary qarqynmen ósip jatqanyn kóremiz. Tehnologiialyq, adami jáne basqa múmkindikter qazirgi ósimge sáikes kele bermeidi».
2026 jyly Qazaqstanda fiskaldyq konsolidatsiia júrgiziledi – bul biýdjet tapshylyǵyn azaitý jáne Ulttyq qor kiristerin kóbeitý degen sóz. Ulttyq bank buny infliatsiiany tómendetetin oń faktor dep sanaidy.
«2026 jyly fiskaldyq konsolidatsiia bolatynyna qýanyshtymyz. Bul – biýdjet tapshylyǵy azaiady, Ulttyq qor tabysy kóbeiedi. Bul infliatsiianyń tómendeýine kómektesedi. Aqsha-nesie jáne salyq-biýdjet saiasaty birge jumys isteýi kerek».
Súleimenovtiń aitýynsha, qarjy salasyndaǵy memlekettik organdar jumysty úilestirse, ekonomikalyq jaǵdai turaqtanyp, aqsha naryǵynyń boljamdylyǵy qamtamasyz etiledi.
