Qazaqstandaǵy infliatsiia 2025 jyly qańtarda údei túsip, bir jylda 8,9% (2024 jylǵy jeltoqsanda – 8,6%), bir aida 1,1% qurady (ótken aida – 0,9%). Bul kórsetkish buǵan deiingi boljamdardaǵydan asyp túsip, sarapshylar qaýymyn dúr etkizdi, dep jazady Dalanews.kz.
Ulttyq statistika biýrosynyń málimetinshe, baǵa aqyly qyzmetterge bir jylda 13,8% (2024 jylǵy jeltoqsanda – 13,3%), azyq-túlik emes taýarlarǵa – 8,4% (2024 jylǵy jeltoqsanda – 8,3%), azyq-túlik taýarlarǵa – 5,8% (2024 jylǵy jeltoqsanda – 5,5%) ósti.
Jalpy, jyldyq deńgeide tsifrlar bylai qalyptasty:
- azyq-túlik infliatsiiasy - 5,8% (jeltoqsanda - 5,5%)
- azyq-túlikke jatpaityn taýarlar infliatsiia - 8,4% (8,3%)
- qyzmet kórsetý salasyndaǵy infliatsiia - 13,8% (13,3%).
Qańtar aiynda azyq-túlik jáne alkogolsiz sýsyndar (2,2 p.t.), kommýnaldyq qyzmetter (1,7 p. t.), kiim-keshek jáne aiaq kiim (1 p. t.) infliatsiianyń jyldyq deńgeiine erekshe úles qosty. Sonymen qatar, aqyly qyzmetterdiń jyldyq infliatsiiaǵa qosqan úlesi qańtarda 4,0 p. t. deiin kóterildi.
"Resmi statistika aqyly qyzmetter ósiminiń jedeldeýi (TKSh tarifteriniń qymbattaýy), sondai-aqalǵashqy eki-úsh aiǵa erekshe áser berýshi teńgeniń qunyzdanýynan bolǵan ekonomikalyq proinfliatsiialyq táýekelderdiń iske asqanyn baiqatady. Sonymen qatar,aldan kútiletin joǵary infliatsiialyq boljamdar da infliatsiiaǵa qysym kórsetýde. Biz Ulttyq Banki ótken Aqsha-nesie saiasaty boiynsha komitet otyrysynda keiinge qaldyrǵan máseleler boiynsha neǵurlym batyl sheshim qabyldaýy kerek edi dep sanaimyz. Endi infliatsiiaǵa qatysty jaǵdai baqylaýdan shyǵyp, boljamdy infliatsiia traektoriiasyna enbei qalý yqtimaldylyǵy joǵary", dep jazdy Ǵalymjan Aitqazin Tengemotika arnasynda.
Sondai-aq "Kommentarii" taldaý tobynyń jetekshisi, ekonomist Eldar Shamsýtdinov ta infliatsiia kórsetkishi boljamdardan asyp túsip, bul fakt aqsha-nesie saiasatyn qatańdatý qajettiligin rastaitynyn aitady.
"Ulttyq Bank bazalyq mólsherlemeni erterek kóterýi kerek edi, sonda infliatsiianyń odan ary ósý aiasy tarylady. Infliatsiianyń shamaly údeýi de aldan kútiletin kórsetkishti de zoraityp, bolashaq atqarylatyn sharalardyń tiimdiligin tómendetedi. Ol, óz kezeginde baǵa dinamikasyn baqylaýdy qiyndatady", - deidi maman.
Buǵan deiin AERC taldaý ortalyǵy 2025 jyly infliatsiia 7%-ǵa jetýi múmkin dep boljaǵan. QR Ulttyq bankiniń sarapshylar qaýymdastyǵy arasynda qańtar aiynda júrgizilgen makroekonomikalyq saýalnamanyń nátijesine sáikes,sarapshylar 2025 jyly kútiletin infliatsiia kólemin 7,5%-ǵa deiin kótergen edi.
