Astana qalasynyń Indýstriialyq parkinde oranalsqan kásiporyndar túrli ónim shyǵaryp, turaqty jumys oryndaryn ashyp qalanyń damýyna jeke investitsiialar tartýǵa múmkindik beretin mańyzdy nysanǵa ainalyp keledi. «Qýatty óńirler – el damýynyń draiveri» ulttyq jobasyn iske asyrýda mundai parkterdiń mańyzy zor, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Indýstriialyq park elordanyń soltústik bóliginde ornalasqan jáne 600 gektar aýmaqty qamtidy. Onyń strategiialyq ornalasýy kólik logistikasy úshin óte qolaily. Áýejai men temirjol vokzalyna jaqyndyǵy óndiristik kompaniialardyń ónimderin jyldam jetkizýine múmkindik beredi. Sonymen qatar, park infraqurylymy zamanaýi standarttarǵa sai jasaqtalǵan. Munda elektr energiiasy, gazben jabdyqtaý, sý júieleri, bailanys jelileri jáne kólik joldary siiaqty barlyq qajetti kommýnikatsiia qarastyrylǵan. Óz kezeginde Astana qalasy ákimi Jeńis Qasymbek parkti qalaǵa investitsiialar tartýǵa múmkindik beretin strategiialyq aýmaq ekenin atap ótti.
– Indýstriialyq park – óz ónimderin shyǵarýǵa, turaqty jumys oryndaryn ashýǵa, qalanyń damýyna jeke investitsiialar tartýǵa múmkindik beretin elordanyń basty óndiristik alańy. №1 Indýstriialyq parktiń ónerkásiptik nysandarynyń investitsiialyq portfeli shamamen 317 mlrd teńge investitsiia somasyna 121 jobany qamtidy. Onyń ishinde 70 joba tolyqqandy jumys istep, 5700-den astam jumys orny ashyldy, – dedi qala basshysy.
Taiaýda QR Premer-ministri Oljas Bektenov indýstriialyq parkke arnaiy kelip, onyń óndiristik qýatymen tanysqan bolatyn. Óz kezeginde Úkimet basshysy telekommýnikatsiialyq jabdyqtardy shyǵarýmen ainalysatyn «Digital System Service» JShS zaýytyn aralap kórgen bolatyn. Aýdany 7,5 myń sharshy metr zaýyt baǵdarlamalyq qamtamasyz etip, daiyn ónimdi qurastyrý men oraýdy eseptegende, óndiristiń tolyq tsiklin qamtamasyz etilgenin aita ketýimiz kerek.
Sonymen qatar qala basshysy Úkimet basshysy Oljas Bektenovke indýstriialyq parktegi magistraldyq teplovozdar qurastyratyn «Lokomotiv qurastyrý zaýyty» kásipornyn kórsetken bolatyn. Kásiporyn iske qosylǵan sátten bastap 611 lokomotiv qurastyrylǵan, al lokalizatsiia deńgeii 75%-ǵa jetip otyr. Jobaǵa 30 mlrd teńge investitsiialanyp, 750-ge jýyq jumys orny quryldy.
Indýstriialyq parkte budan basqa «Ashina KZ» JShS tigin fabrikasyn, «Taý-Ken Altyn» JShS affinaj zaýyty da tabysty jumys istep jatqanyn aita ketýimiz kerek.
– Memleket basshysynyń tapsyrmasy boiynsha investitsiialar tartý, kásipkerlikti qoldaý, eldiń ónerkásiptik áleýetin ashý úshin jaǵdai jasaý boiynsha keshendi jumys júrip jatyr. 2024 jyldyń birinshi jartyjyldyǵynyń qorytyndysy boiynsha Astananyń jalpy óńirlik óniminiń (JÓÓ) kólemi 5,5 trln teńgege jetti. Shaǵyn jáne orta biznestiń úlesi JIÓ qurylymynda 72%-dy quraitynyna nazar aýdarǵan jón. Osy jyldyń 10 aiynda Astanaǵa shamamen 1,3 trln teńge investitsiia tartyldy, al ónerkásiptik óndiris kólemi de 7%-ǵa artty, – dedi Jeńis Qasymbek.
